Zvarritje për shkak të mosmarrëveshjeve apo taktikë?

Kjo mund të bëhet e mundur pas një periudhe shtesë për konsulta.

Marrëveshja nuk u zyrtarizua nga mesi i javës meqë LDK-ja ka kërkuar më shumë kohë për konsulta të brendshme, pas paraqitjes së një numri pakënaqësish brenda partisë.

Të dy krerët e partive më të mëdha në Kosovë, që janë pajtuar në parim të krijojnë një koalicion qeverisës, Hashim Thaçi e Fatmir Sejdiu, kanë deklaruar se të dyja partitë kanë nevojë për më shumë konsulta brenda radhëve të tyre.

Presidenti i Kosovës, dhe njëkohësisht kryetar i LDK-së, Fatmir Sejdiu, ka deklaruar se marrëveshja për koalicionin qeverisës do të arrihet shumë shpejt, pas përfundimit të konsultave të nevojshme.

Mosarritja e marrëveshjes mes dy partive politike besohet se po zvarrit gjithë procesin e ndërtimit të institucioneve të Kosovës dhe, siç thuhet, po e fut Kosovën në boshllëk institucional.