Në zgjedhje do të marrin pjesë rreth 1 milion e 500 mijë qytetarë.

Kryeshefi i Sekretariatit të KQZ-së, Mazllum Baraliu, i ka thënë BBC-së se subjektet politike kanë shumë punë për të bërë dhe ai pret që ato të dorëzojnë dokumentacionin e nevojshëm për certifikim deri më 12 shtator.

Afati për dorëzimin e listave të kandidatëve që do të garojnë në zgjedhje si dhe dokumentacionit përcjellës për certifikimin e subjekteve politike është shtyre për pesë ditë me kërkesë të partive politike.

Këto të fundit janë ankuar se u është dhënë pak kohë për të bërë përgatitjet e nevojshme për të kompletuar dokumentet për certifikim.

Ndërkohë Komisioni Qëndor i Zgjedhjeve ka bërë të ditur se në zgjedhjet lokale dhe ato qëndrore të drejtë për të votuar do të kenë rreth 1 milion e 500 mijë qytetarë, prej të cilëve 180 mijë do të jetë votues të ri.