Zoti Çeku thotë se kosovarët kanë të drejtën të vendosin se kush do t’i qeverisë

Ai ka thënë se ky është angazhim historik kolektiv i kosovarëve.

Duke folur për zgjedhjet zoti Çeku ka thënë se qytetarëve të Kosovës u duhet dhënë mundësia që të votojnë njerëzit që duan t’i delegojnë në parlament.

Më tutje ai shtoi se personalisht nuk do të marrë pjesë në garat për zgjedhje që do të zhvillohen para vendosjes për të ardhmen e statusit.

Korrespondenti ynë në Prishtinë thotë se kreu i qeverisë së Kosovës ka lënë të nënkuptohet se preferon që zgjedhjet të mbahen pas vendimit për statusin.