Pamje nga një votim më i hershëm në Kosovë

Në parim autoritetet në Kosovë mbështesin respektimin e afatit ligjor për mbajtjen e zgjedhjeve, por disa parti politike druajnë se zgjedhjet mund të ndërhyjnë në procesin e zgjidhjes së statusit.

Zëvendës-kryeministri i Kosovës, Lutfi Haziri, që është edhe nënkryetar i Lidhjes Demokratike, ka deklaruar se procesi i statusit nuk guxon të kërcënohet për shkak të mbajtjes së zgjedhjeve.

Ai ka lënë të hapur mundësinë e shtyerjes për disa javë të mbajtjes së zgjedhjeve.

Partia tjetër në pushtet, Aleanca për Ardhmërinë e Kosovës, thotë se zgjedhjet duhet të shtyhet deri pas zgjidhjes së statusit.

Por partitë opozitare, Partia Demokratike e Kosovës dhe ORA, thonë se zgjedhjet dhe statusi janë dy procese të ndara.

Udhëheqësit opozitarë janë shprehur kundër shtyerjes së mundshme të zgjedhjeve, duke kërkuar respektimin e afatit ligjor për procesin zgjedhor.