Vizita e zotit Ischinger në kryeqytetin serb bëhet pak ditë pasi treshja ndërkombëtare ndërmjetësuese zhvilloi takime të ndara në Vjenë me delegacionin e Kosovës dhe atë të Serbisë në kuadër të bisedimeve shtesë për statusin.

Përfaqësuesi evropian në treshen për statusin e Kosovës, Wolfgang Ischinger pritet që më shtatë dhe tetë shtator t'u raportojë ministrave të jashtëm të BE-së mbi takimet e ndërmjetësve ndërkombëtarë me Prishtinën dhe Beogradit.

Në këtë takim të shefave të diplomacive të vendeve evropiane që do të mbahet në qytetin portugez, Vijana Du Kastello, pritet të diskutohet kah do të shkojë procesi për zgjidhjen e statusit të Kosovës dhe për rolin e BE-së në këtë drejtim.