Powell tha se Obama ishte më i përgatitur për krizën ekonomike

Pasi bëri të ditur grumbullimin rekord të fondeve, 150 mijë dollarë vetëm muajin e kaluar, zoti Obama po hedh tashmë burimet e tij në Virxhinian perëndimore që shihet si bastion republikan.

Përkrahje nga Colin Powell

Ish sekretari amerikan i shtetit, Colin Powell, ka mbështetur kandidatin demokrat për president, Barack Obama.

Në programin e kanalit televiziv NBC, Meet the Press (takim me shtypin) zoti Powell e përshkroi senatorin Obama si një figurë transformuese.

Ai tha se si John McCain ashtu edhe Barack Obama ishin të kualifikuar për të drejtuar vendin, por zoti Obama ishte më i përgatitur për të përballuar krizën ekonomike aktuale.

Ai gjithashtu kritikoi partinë e tij Republikane, duke thënë se fushata ka qënë negative dhe zgjedhja e senatorit McCain për zv/presidente, Sarah Palin, nuk ishte gati të bëhej presidente.

Zoti Powell ka qënë Sekretar Shteti në mandatin e parë të presidentit Bush.

Ai ka qenë në poste të larta në administratën republikane të presidentëve Ronald Reagan dhe George Bush i vjetri.

Zoti Obama tha se ishte mjaft i nderuar që kishte përkrahjen e Colin Powell-it.

Nga ana e tij, John McCain tha se komentet e zotit Powell nuk ishin të papritura dhe se ai ishte i kënaqur se kishte marrë përkrahje nga katër ish sekretarë të tjerë shteti.