Michael Voss BBC, Havanë

	Në komentin për kandidatët për president Castro u tall me republikanët

Në një artikull të botuar në faqen e internetit kubaneze (cubadebate) zoti Castro tha se ishte një mrekulli që kandidati demokrat Barack Obama nuk kishte pësuar të njëjtin fat si Martin Luther King.

Fidel Castro i përshkroi Shtetet e Bashkuara si raciste në thelb dhe miliona amerikane nuk mund të pranonin dot idenë e një zezaku si president të SHBA-së.

Është një mrekulli, shkroi ai, që Barak Obama nuk është vrarë si ish lideri i të drejtave civile, Martin Luther King.

Ky koment më i fundit i ish udhëheqësit kubanez, është më e shumta që ka bërë ai deri tani për të shfaqur qëndrimin e tij, përsa i takon garës presidenciale amerikane.

Një artikull i tij i mëhershëm i hidhte poshtë të dy kandidatët.

Kësaj rradhe Fideli u tall me kandidatin republikan John McCain, konkretisht me rezultatet e tij të dobta në Akademinë e marinës.

Ndërsa për kandidaten për zv/presidente, ai tha se Sarah Pallin nuk dinte asgjë për ndonjë gjë.