Rusët janë kundër planit Ahtisaari për pavarësi të mbikëqyrur

Ambasadori i OKB në Moskë, Vitaly Cherkin, tha se lëshimet e bëra në projektin e ri nuk kanë ndryshuar asgjë.

Ai gjithashtu la të nënkuptohej se vendi i tij - një aleat tradicional i Serbisë që kundërshton pavarësinë e Kosovës, mund të përdorë veton.

"Prezantimi i këtij versioni të ri të projektit nuk ka ndryshuar asgjë përsa na përket ne. Ne vazhdojmë të mbesim me elementët tona të propozuara. Unë i kam theksuar ato elementë tek kolegët e mi në Këshillin e Sigurimit, kështu që gjërat vazhdojnë të jenë ku ishin, para se të prezantohej ky variant i ndryshuar."

Ndërkohë, duke folur në Gjermani, sekretarja amerikane e shtetit, Condoleezza Rice, tha se rruga e vetme përpara është pavarësia:

"Sfida jonë më urgjente në këtë moment është Kosova. Status-Quoja atje nuk mund të qëndrojë më dhe pavarësia, fillimisht e mbikqyrur, është kursi i vetëm realist dhe i dëshiruar. "