Chaayinaan faana USSR fi USA hordofuun Addeessarraa dhagaa fiduufi

Daataa qusachuuf barreeffama qofa dubbisi
Ji'a

Madda suuraa, Getty Images

Ibsa waa'ee suuraa, Kana dura US fi USSR qofa ture ji'arraa dhagaa qorannoof oolu kan walitti qaban

Erga bara 1970'oota as yeroo jalqabaaf Chaayinaan Addeessa yookiin ji'arraa dhagaa fiduufi.

Xiyyaarri 'Chang'e-5' jedhamtuufi namni keessa hin jirre ergama kanaaf gaafa Kibxataa furguggifamti. Dhagaan ishiin fidduus maddaafi bu'uura ji'aa baruuf dandeessisa jedhameera.

Yaaliin walfakkaataa bara 1976, xiyyaara Sooviyeetii 'Luna 24' jedhamtuun taasifameera.

Yaaliin qorannoo tibbanaa yoo milkaa'e, US fi USSR'tti aantee Chaayinaan biyya sadaffaa dhagaa lunar yookiin dhagaa ji'arra jiru argachuuf biyya yaalii taasiste taati.

Xiyyaarri 'Chang'e - 5' jedhamtu waaqa ji'a Chaayinaa duriirraa kan moogga'edha.

Yaaliin kanaan Chaayinaan dhagaa kiloogiraama lama ta'u fiduuf karoorfatteetti. Bakki dhagaan walitti qabamus, bakka kana dura bira hin gahamnedha jedhameera.

Kana dura Raashiyaan yaalii taasisteen bara 1976'tti giraama 170 walitti qabde. Duulli Appoloo Ameerikaan taasifteenimmoo dhagaafi biyyoo kiloogiraama 382 fiddeetti.

Rokeetiin ji'arraa dhagaa walitti qabuuf jettu giddugala hawaa Wenchaang bulchiinsa Haayinaan jirurraa furguggifamti

Madda suuraa, Getty Images

Ibsa waa'ee suuraa, Rokeetiin ji'arraa dhagaa walitti qabuuf jettu giddugala hawaa Wenchaang bulchiinsa Haayinaan jirurrraa furguggifamti

Yaaliin amma Chaayinaan taasifamu jiini yeroo hangamiif volkaanoo akka qabaataa turte, akkasumas kaan sirriitti hubachuuf dandeessisa jedhamee abdatameera.

Skip Baay'ee kan dubbifame and continue reading
Baay'ee kan dubbifame

End of Baay'ee kan dubbifame

Chaayinaan yeroo jalqabaaf ji'arra kan qubatte bara 2013 ture. Waggaa kudhan keessammoo Maarsirraa saamuda walitti qabuuf karoora qabatteetti.