KALLATTIIN, Piriimer Liigii: Bornimaawoz 3 - 2 Liiverpuul

Haguuggii Tamsaasa Kallattii

1. Sa'aatii 2 duraLa Liga Ispeen: Riyaal Maadiriid Baarseloonaa caalee dursa qabate

   Dorgommiin La Liga Ispeen baka kanaa kokkee walqabuu ta'aa jira. Riyaal Maadiriid gara dirree Viyaariyaal deemee goolii lamaan Kiliyaan Imbaappeen lakkoofsiseen 2 fi 0n mo'atee dursummaa Baarseloonaarraa fudhateera.

   Impaabbeen goolii jalqabaa daqiiqaa 47ffaa irratti, kan lammeessuu ammoo daqiiqaa 94ffaa irratti peenaaliitiin lakkoofsise.

   Peenaaliitii Imbaappee Panenkaa Biraahim Diyaaz taa'ee daawwachaa ture.

   Biraahim Diyaaz peenaliitii falmisiistuu Morookoon argate Panenka yaalee osooo hin lakkoofsisiin hafee ofiinis, biyya isaaa Morookoos qalbii cabse.

   Peenaaliitiin Panenka jedhamu kun maali?

   Peenaaliitii Biraahim Diyaaz: Milkaa'uuf 'Panenka' moo foormulaan Herregaa biraa jira?

2. Sa'aatii 6 duraGOOOOOL: Barnimaawoz 3 - 2 Liiverpuul

   Daqiiqaan 90 dhumee isheeen dabalataayyu dhumtee Barnimaawoz ammas Liiverpuul 'qaanessan'.

   UGGUM kubbaa miilaa!

3. Sa'aatii 6 duraBornimaawoz 2 - 2 Liiverpuul

   Liiverpuul goolii Siboozilaay adabbii kenname bakka gooliitti dhiyoorraa ldaqiiqaa 80 irratti akkoofsiseen amma 2 fi 2 warra dirree Bornimaawoz waliin walqixxaateera.

4. Sa'aatii 7 duraBornimaawoz 2 - 0 Liiverpuul

   Liiverpuul 2 fi 0n Bornimaawoziin durfamaa jira.

   Jifataan Boornimaawoz Eveniilsan kubbaa Iskoote kenneef daqiiqaa 26ffaa irratti Liiverpuul irratti lakkoofsiseera.

   Daqiiqaa 33ffaa irratti ammaa taphataan Aleks Jimineez jedhamu Liiverpuu irratti dabalee lakkoofsisee 'dugda kuteera'

   Liiverpuul Mohaammad Saalaah tapha Waancaa Afrikaarraa deebiyeef, Siboozilaay, Gaakpoo Filooriyaa Wiirtiz qabatee Ekitiikee teessuma jijjiirraarra kaa'ee jalqabe.

5. Sa'aatii 8 duraMaanchester Siitii taphattoota haaraa lamaan Amajjitti mallatteesseen taphate

   Maanchester Siitiin har'a tapha kilaba sadarkaa dhumaarra jiru Woolvis simatee 2 fi 0n mo'ateera.

   Siitiin torban darban keessa gatantaraa tureera, keessumaa Darbii Maanchester fi tapha Shaampiyoonsiirratti baayyee mudhukee ture.

   Amma sararatti waan deebiye fakkaata.

   Taphattoonni sarara duubaa fi sarara duraa Amajji kanatti mallatteesifate kunneen bu'aa buusaaf jiruu?

   Taphattoota kanneen akkamiin ilkaaltan?

6. Sa'aatii 8 duraArsenaal yeroo ammaa kana addunyaarratti kilaba tokkoffaadha - Peep Gaardiyoolaa

   Leenjisaan Maanchester Siitii Peep Gaardiyoolaa, " yeroo ammaa kana Arsenaal addunyaarratti kilaba tokkofaadha," jedhe.

   'Arsenaal yeroo ammaa addunyaarratti kilaba tokkofaadha' kan jedhu itti waliigaltaa jedhamee kan gaafatame Gaardiyoolaan, "eyyeen" sirriidha jedhe.

   Arsenaal yeroo ammaa Shaampiyoons Liigii Awurooppaa irratti tapha hunda taphatan mo'anii dursaa jiru. Piriimer Liigiittis akkuma kana dursaa jira.

   Kana malees, FC Cup fi Karabaa'oo kaappiinis ittuma jiru.

   Isin itti waliigaltuu?

7. Sa'aatii 9 duraMaan Siitiin 2 - 0 Woolvis, Fuulhaam 2 -1 Biraayiten, Barnilee 2 - 2 Tootenhaam

   Boqonnaa dura Maanchester Siitii goolii lamaan Woolvisiin dursaa jira.

   Goolii lamaffaa boqonnaa duraa daqiiqaa bakka gubate kennametti taphataa Amajji kana keessa Bornimaawozirraa dhufee Antoonii Semeniyooti lakkoofsise.

   Maanchester Siitiin hanga haala amansiisaa ta'een taphachaa ture.

   Taphoota biroon Fuulhaam biraayiteniin 2fi 1n mo'ate. Barnilee fi Tootenhaam ammoo 2 fi 2n walqixa bahan.

8. 24 Amajjii 2026Piriimer Liigii: Maan Siitiin goolii Maarmush galcheefiin dursaa jira

   Wolvisiin simatee keessummeessaa kan jiru Maanchester Siitiin goolii taphataan Masirii tapha Waancaa Afrikaa irraa deebiye Omaar Maarmush galcheefiin dursaa jira.

   Maacnhester Siitiif taphattoonni lama jijjiirraa Amajji kanaan kilabichatti makaman Maark Guhii fi Semaaniyoon galanii taphachaa jiru.

   Taphoonni kaan: Barnilee v Tootenhaam, Fuulhaam v Biraayiten 0 f0 irra jiru.

9. 24 Amajjii 2026Halaand bara kana yeroo jalqabaaf Siitiif hin galu

   Maanchester Siitii v Woolvis,

   Barnilee v Tootenhaam,

   Fuulhaam v Biraayten jalqabuuf jiru.

   Maan Siitiif Halaand fi Fooden jalqabarra hin galan, teessuma jijjiirraarra turu.

   Galgala kana 2:30 irratti ammoo Liiverpuul gara dirree Bornimaawoz deemee morkata.

   Bornimaawoz Semeeniyoo malee akkam ta'a?

   Maaltu eegama?

10. 24 Amajjii 2026Sanderlaand Amballii isaa Zhaakaa malee laafaadha

    West Haamiif Diyuuf jijjiiramee galee ture, garuu jijjiirma baayyee hin arganne.

    Amballiin Sanderlaand Giraaniit Zhaakaa miidhamaan dhabuun qaawwi akka jiru godheera.

    Taphataan Senegaal Waancaa Afrikaa barana Morookootti gaggeeffamerratti peenaaliitii falmisiistuu Morkoof kennamte sana raawwate Sanderlaandiif taphata

    El Hajii Maaliik Diyuuf jedhama.

    Abbaan murtii (daanyaan) Waancaa Afrikaa irratti Biraahim Diyaaz irratti yakki raawwateera jedhee penaaliitii kenne ammoo lammii Rippanbilika Dimokiraatawaa Goongooti.

    Waa'ee murteessaa tapha Morookoo fi Senegaal taphachiisee maal beekna?

11. 24 Amajjii 2026West Haam 3 - 1 Sanderlaand

    Pirimer Liigii keessatti sadarkaa 18ffaa qabatee yaaddoo kufaatiirra kan jiru Sanderlaand kan barana Liigichatti ol guddatee ga'umsa gaarii agarsiisaa jiru 3 fi 1n dursaa jira.

    West Haamiif goolii jalqabaa Saamarviil, kan lamaffaa ammoo Boowen, yoo lakkoofsisaniif, goolii sadaffaa taphataa Fernaadeez jedhamutu lakkoofsiseef.

    West Haam goolii sadanuu boqonnaa dura galche.

    Boqonnaarraa deebiyanii daqiiqaa 66ffaa irratti Sanderlaand goolii tokko argataniiru.

12. 24 Amajjii 2026ASHAMAA! Oduu ispoortti kallattiin

    Ashamaa, akkam jirtu hordoftoota keenyaa? Taphoota Piriimer Liigii torban 23 sadaffaa Sambataa, Dilbata dhiyaatan toora kanaan kallattiin isin biraan geenya.

    Oduufi xiinxala dhimmoota biyya keessaafi addunyaa akka isiniif mijatutti: Marsariitii, Facebook, YouTube, Whatsapp irratti nu hordofaa.

    DHIYAAADHAA!