Lubni osoo lallabanii Fannoon itti jiguun du'an waa'ee du'aa maal jechaa turan?
Madda suuraa, Facebook/perpetuosocorrogye
Lubni Kaatolikii amantoota waliin waaqeffannaarra turan tasa Fannoo Yasuus duubaan mataa isaaniirratti jigeen miidhama irra gaherraa damdamachuu dadhabuun du'an.
Taateen kun hawaasa Kaatolilii Ikuwaador Guwaayakiil biratti gaddaa fi rifaatuu guddaa uume.
Taateen kun bataskaana Our Lady of Perpetual Help, jedhamu kan biyya Ikuwaador magaalaa Guwaayakiil keessatti argamutti ta'e.
Lubni bataskaanichaa Paatrishiyoo Alfreedoo Saancheez Molinaarii Sanbata duraa sagantaa kadhannaa idilee irra wayita turan balaan kun isaan mudate.
Saancheez Molinaarii, nama ganna 53 yoo ta'u, waltajjiirra sagantaa gaggeessaa ture.
Jidduutti duuba isaarra kan ture Fannoon guddaan mukarraa hojjetan tasa kallattumaan luba kanarratti kufe.
Lubni kun battaluma lafa dhahe. Kanneen galma kana keessa turanii fi tamsaasa kallattiin miidiyaa hawaasaa irratti hordofaa turan akka malee rifaasise.
Bataskaanni Kaatoolikii Guwaayaku'iil sanbata duraa galgala du'a Sánchez Molinari mirkaneesseera.
Bataskaanni ibsa baasteen, "ergaawwan gaddaa kutaalee addunyaa garaagaraa irraa nuu ergitaniif isin galateeffanna, addatti immoo kadhannaa Abbaa keenya Paatrishiyoo Alfreedoo Saancheez Molinaariif gootaniif ulfaadhaa. Boolla isaanii Daadhiin haa guutu."
Phaaphaasiin magaalaa Gu'aaaakiil Kaardinaal Lu'iis Kaabreeraa, iddoo sagantaa kanaa Our Lady of Perpetual Help bahanii kabaja isaaf sagantaa gaggeessan.
Sababni Fannoon mukarraa hojjetame sun socho'eefi kufeef hin beekamu.
"Ambulaansii waamaa! Abbaa, Abbaa!"
Waan qe’eefi addunyaan itti jirtu suuraafi viidiyoo bareedaan argattu.
Asin nu faana bu’aa
Xumura beeksisaa
Balaan kun qaqqabuu isaa yeroo gabaabaa dura, lubichi lallaba isaa kan dhiheesse yommuu ta'u, lallaba kanaan waaqeffattoonni jireenya isaanii guyyaa guyyaa keessatti yeroo hammaamii Waaqayyoon tajaajiluuf akka dabarsan akka xiinxalanii fi yeroo hagamii meeshaalee akka bilbilaa ykn televijiinii ilaaluuf dabarsan gaafachaa ture.
"Obboloota koo jaallatamoo, guyyaa tokko hundi keenya iyyuu ni duuna," jedhe lallaba isaa keessatti.
"Yeroon meeshaalee faayidaa hin qabne irratti dabarsinu, yeroo Waaqayyoo wajjin dabarsinuun wal bira qabamee hin ilaalamu.
Yeroon Waaqayyoo wajjin, obboloota keenya wajjin, abbootii manaa fi haawwan manaa keenya wajjin, akkasumas daa'imman keenyaa fi maatii keenya wajjin dabarsinu yeroo haala gaariin dabarfamedha," jedhe.
Lallaba isaa erga xumuree booda, lubichi gara waltajjiitti deebi'ee kadhannaa geggeesse.
Haa ta'u malee, balaan kun akkuma lallaba isaa xumureen daqiiqaa lama booda yeruma sana qaqqabe.
"Abbaa, Abbaa!" jette dubartiin waltajjii biraa lubicha gargaaraa turte tokko. "Ambulaansii waamaa! Abbaa, Abbaa!"
Wiixata suuraawwan fannoo irratti fakkii Yesuus hojjetanii waldichatti galchuuf hojjetamaa jiru argisiisaniiru.
