Oyo Politics: Àwọn Jàǹdùkú kọlù alága àjọ tó ń ṣètò eré ìdárayá ní ìpínlẹ̀ Oyo, Gbenga Adewusi

Awọn janduku kọlu alaga ajọ to n ṣeto ere idaraya n'ipinlẹ Ọyọ

Alaga ajọ to n ṣe akoso ere idaraya n'ipinlẹ Ọyọ, Họnọrebu Gbenga Adewusi ti ọpọ eeyan mọ si 'Arole' fi ara pa l'ọjọ Aiku.

O ni pe o waye nibi ikọlu awọn janduku ti o waye ni papa iṣere Lekan Salami to n bẹ ni Adamasingba nilu Ibadan, lẹyin ifẹsẹwọnsẹ ti o laarin ẹgbẹ agbabọọlu 'Shooting Stars' ati 'Mountain of Fire' ti ilu Eko.

Lẹyin ti ikọlu naa fi apa si oju Adewusi ati awọn ẹya ara mii ni Alamọjuto ere idaraya, Arakunrin Gboyega Makinde ati awọn aṣoju ajọ naa gbe alaga wọn digba-digba lọ si ile iwosan ti o ti n gba itọju.

Alaye ti ẹni ti iṣẹlẹ naa ṣe oju rẹ sọ ni pe alaga ajọ naa n gbiyanju lati daabo bo awọn agbabọọlu 3SC ni iyara ti wọn ti n mura, ki o to di pe awọn janduku yabo oun naa.

Awọn janduku naa gbiyanju lati ba awọn ohun elo papa iṣere naa jẹ, gẹgẹ bi wọn ṣe n ju aga ati okuta lu awọn oṣiṣẹ ajọ to n ṣe akoso ere idaraya to n pẹtu si wọn lati dẹkun awọn nnkan ti wọn n bajẹ ni papa iṣere naa.

Alakoso iroyin fun ajọ naa, Tunde Ajibike fi idi ọrọ mulẹ fun awọn oniroyin pe wọn ti fi ọrọ naa to ileeṣẹ ọlọpaa leti, bo tilẹ jẹ pe awọn janduku naa salọ ki awọn agbofinro to de.