Russia-Ukraine Crisis: Onímọ̀ nípa iṣẹ́ ológun lágbàyéé wòye pé ó ti ń rẹ Russia lórí ìkọlu rẹ̀ torí ọ̀pọ̀ àṣìṣe rẹ̀

Orilẹede Russia ni jẹ ọkan lara orilẹede to ni ikọ ologun to tobi, to si lagbara julọ.

Amọ ọpọ onimọ nipa isẹ ologun lo ti n da siọ ikọ ologun ilẹ Russia bayii nitori isesi wọn ti wọn ni ko kunju iwọn loju ogun nilẹ Ukraine.

Ọpọ igbesẹ ikọlu ti wọn gbinyanju lati gbe lo kuna, ti agba ologun kan ninu ajọ NATO si sọ fun BBC pe awọn igbesẹ Russia ti fihan pe wọn ko se aseyọri nidi afojusun wọn.

Àwọn iròyin tì ẹ leè ní ìfẹ̀ síí:

Eyi lo mu ki BBC maa beere pe nibo ni Russia ti kuna, ta si fọrọ wa awọn asaaju onimọ nipa isẹ ologun lagbaye sọrọ lati mọ ọpọ asise ti Russia se, ti ikọ oogun rẹ fi di nnkan yẹpẹrẹ.

Awọn afojusu ti ko tọ:

Asise akọkọ ti Russia se ni o foju tẹmbẹlu agbara ologun ilẹ Russia, tii se orilẹede to kere si jọjọ ni gbogbo ọna.

Ọgọta biliọnu dọla ni Russia n ya sọtọ fun eto isuna ileesẹ ologun rẹ lọdọọdun nigba ti Ukraine n ya biliọnu mẹrin pere fun isuna ologun rẹ.

Lọpọ igba si ni Putin ti maa n fẹnu yangan nipa awọn eto igbalode to n pese fawọn ologun Russia lai mọ pe ofuutu fẹẹtẹ, aasa ti ko ni kaun, ni wọn.

Agbara ikọ ologun Russia ati Ukraine ki ogun to de:

Ukraine:

Apapọ iye ologun 1,096,600

Awọn abarapa 196,600

Awọn to wa nipamọ 900,000

Ọkọ ijagun 987

Ọkọ ijagun ofurufu 124

Ọkọ ofurufu to se ikọlu 57

Ọkọ ijagun ologun pajawiri 831

Eroja Ijagun 1,818

Russia:

Apapọ iye ologun 2,900,000

Awọn abarapa 900,000

Awọn to wa nipamọ 2,000,000

Ọkọ ijagun 3,417

Ọkọ ijagun ofurufu 1,391

Ọkọ ofurufu to se ikọlu 407

Ọkọ ijagun ologun pajawiri 7,272

Eroja Ijagun 5,899

Ọkan lara awọn ologun ilẹ Gẹẹsi sọ fun BBC pe ọpọ owo idokowo Russia lo ti na lori rira ohun ijagun ati ayẹwo rẹ.

Ni ibẹrẹ ogun naa, Russia ni anfaani to dara si oju ofurufu tọpọ ologun rẹ si ti sunmọ bode ọmọ ogun ofurufu Ukraine.

Ọpọ eeyan lo lero pe wọn yoo tete gba akoso ofurufu naa amọ ko se bẹẹ, ti awọn ọmọ ogun ofurufu Ukraine si n raaye daabo bo ara wọn.

Adanu nla ohun eelo ologun ati aisi koriya:

Ọmọ ologun to to 190,000 lo bẹrẹ ikọlu ni Ukraine, ti ida mẹwa ninu wọn si ti jalaisi, ti orilẹede Ukraine si n kede pe oun ti pa ẹgbẹrun mẹrinla 14,000, ninu wọn.

Bakan naa lawọn onimọ ologun ni ẹri ti foju han pe o ti n rẹ awọn ologun Russia, ti ọkan wọn si ti n rẹwẹsi nipa ikọlu naa.

"Ikọ ologun naa ni otutu ti mu, o ti rẹ wọn, ti ebi si n pa wọn nitori wọn ti wa ninu yinyin lati aimọye ọsẹ ni Belarus, ko to di pe ikọlu naa bẹrẹ.

Ipese awọn eroja ti wọn nilo:

Ọpọ eroja ti ikọ ogun Russia nilo ni ko si, koda, epo gan tan ninu ọkọ ijagun wọn, ti ounjẹ ati ohun elo ijagun wọn si ti buse.

Ọpọ ọkọ wọn lo ti taku, ti wọn si gbe kalẹ nigba ti awọn tirakitọ Ukraine gbe wọn kuro nibẹ.

Awọn onimọ ologun ni Russia ti yin ibọn ati ado oloro bii ẹẹdẹgbẹrun eyi to nira fun wọn lati ra omiran rọpo.

Idi ni pe Amẹrika ti sekilọ fun China ti Russia tọ lọ pe ko ran oun lọwọ.

Amọ wọn ni lai naani ipenija to n koju ogun Russia, o seese ki Putin ma yẹsẹ lori ipinnu rẹ, ti yoo si tun se akọtun ikọlu miran si.

Bakan naa ni wọn woye pe bi o tilẹ jẹ pe Ukraine n ja fitafita lati koju ogun Russia amọ lai jẹ pe wọn ri iranwọ ohun ijagun, iwọnba ni wọn le se.