PDP youth leader jailed: Bí Kato ṣe d'èrò ẹ̀wọ̀n torí ó bú Buhari, Boss Mustapha

Ile ẹjọ́ Majisireeti kan ni Yola, Ìpínlẹ̀ Adamawa tí dajọ pé wọn rán olórí àwọn ọdọ lẹgbẹ òṣèlú Peoples Democratic Party ni ijoba ibile Hong, tí orúkọ rẹ ń jẹ Ikamu Kanto lọ sí ẹ̀wọ̀n ọdún kan gbáko.

O ri ẹwọn he látàrí pé ó sọ̀rọ̀ àbùkù sì Ààrẹ Naijiria, Ogagun Muhammadu Buhari ati akọ̀wé ijoba àpapọ̀, Boss Mustapha.

Àwọn iwe iroyin sọ pé wọn fi olórí ọdọ náà sì ẹ̀wọ̀n lórí esun kan tí àwọn alatileyin akọ̀wé àgbà ijoba àpapọ̀ fi kan an lábẹ́ aburada ẹgbẹ́ to ń jẹ "Adamawa Concerned Citizens" èyí tí Husseini Gambo dárí.

Ní ọ̀sẹ̀ to koja, wọn pé Kato kò wá kawọ ponyin ro ẹjọ́ nípasẹ̀ ọ́fíìsì àjọ Otelemuye DSS nípasẹ̀ ọ́fíìsì Agbejoro àgbà.

Kato sọ pé nítorí ìbínú bí ikọ Boko Haram ṣe kọlu ìlú Dabna níbi tí èèyàn tó lè ní ogún ti padanu ẹ̀mí wọn lo mu ki òun bọ si oju òpó Facebook láti fun pe sì akowe àgbà àti Ààrẹ Buhari.

O ni ki wọn le tun tẹsiwaju lori pipese eto aabo to peye ni.

O tun ni lórí kikuna láti dá abo bo ẹ̀mí àwọn olùgbé ìlú náà tó jẹ́ ijoba ìbílẹ̀ tìrẹ to sì tún jẹ́ ibi tí akowe àgbà náà tí wá

Lẹyin tí adajọ Majisireeti náà, Dimas Elishama gbọ́ ẹjọ́ náà, ó ní Kato jẹbi ẹ̀sùn tí wọn fi kan an ó sì rán án lọ sí ẹ̀wọ̀n ọdun kan pelu faani egberun meedogbon náírà fún pé ó lo àwọn ọ̀rọ̀ àbùkù àti alufansa.

Ilé ẹjọ́ ni àwọn tí gbó ẹ̀bẹ̀ rẹ pé kí àwọn fi ojú àánú wo ọrọ náà, wọn tún wo ìhùwàsí rẹ lásìkò ẹjọ́ náà ni wọn ba fi kún un pé kò ní lọ lai jìyà sugbọn yóò jìyà láti jẹ àpẹrẹ fún àwọn tó kú.