Police rescue: Àwọn ọlọ́pàá ti dóòlà ọmọbìnrin tí àwọn òbí rẹ̀ so mọ́lẹ̀ fún ọdún 10

Ileeṣẹ ọlọpaa nipinlẹ Kano ti doola ẹmi ọmọ ọdun marundinlogun kan ti awọn obi rẹ somọlẹ bii ẹran fun ọdun mẹwaa.

Ileeṣẹ ọlọpaa sọ pe lati igba ti Aisha Jubril ti wa ni ọmọ ọdun marun un ni wọn ti somọlẹ si inu ile.

Kọmisọnna ọlọpaa ni kete ti iroyin ipo ti ọmọ naa wa tẹ awọn leti ni awọn ọlọpaa ti sigun lọ sibẹ lati lọ doola ẹmi rẹ.

Awọn ọlọpaa ni irisi ọmọ naa fihan pe ko jẹun, bẹẹ si ni ko ri itọju to peye nitori ibi ti wọn ti mọlẹ si kun fun idọti.

Nibayii, Aisha ti wa ni ileewosan Murtala Mohammed nilu Kano, nibi to ti n gba itọju.

Bakan naa ni iya Aisha, Rabi Mohammed, ti wa ni panpẹ ọ̣lọpaa , ti baba rẹ si ti salọ.

Nkan bi ọdun to kọja ni iru iṣẹlẹ bayii peleke si ni ilu Kano, ti awọn alabojuto yoo ma a so ọmọ mọlẹ bi ẹran.

Amọ, iyalẹnu lo jẹ nitori awọn obi Aisha to da ẹjẹ le e lori ni o fi iya jẹ ẹ.

Ileeṣẹ ọlọpaa ni iwadii ti bẹrẹ lori iṣẹlẹ naa, ti awọn si ti gbe ẹjọ naa lọ si ẹka to n risi iwa ọdaran, ti yoo si ṣeeṣe ki wọn fi oju ba ile ẹjọ.