Senate Hearing: Iléeṣẹ́ epo rọ̀bì ná ₦14.4m lórí báíró, ₦46m lórí ìwé, ₦56m fún tónà

Ọrọ di agbọdamiẹnu lasiko tawọn ọmọ igbimọ tẹẹkoto lori aṣuwọn owo ilu nile aṣofin agba n gbọ ọrọ lẹnu oluyẹweowo wo agba lorilẹede Naijiria.

Abọ iwadi ti oluyẹ́we owo wo agba gbe wa siwaju igbimọ ile lo sisọ loju rẹ pe miliọnu mẹrindinlọgọfa Naira (₦116m), ni ileeṣẹ to n mojuto epo rọbi na lati fi ra bairo, iwe ati ohun elo itẹwe laarin ọdun kan.

Àwọn iròyin tì ẹ leè ní ìfẹ̀ síí:

O yannana rẹ siwaju pe, ninu owo naa, miliọnu mẹrinla abọ naira ni wọn na lori bairo ikọwe nikan, miliọnu mẹrindinlaadọta naira ni wọn fi tẹ iwe alakọle Letterhead ileeṣẹ naa, ti wọn si fi miliọnu mẹrindinlọgọta naira ra awọn ohun elo fun ẹrọ itẹwe (Photocopy) ileeṣẹ naa.

Oluyẹweowo wo agba naa fi kun un pe, nṣe ni wọn wa pin inawo naa si wẹwẹ kaakiri awọn agbaṣẹṣe mẹrin, lati rii pe iṣẹ agbaṣe to kan ọkọọkan wọn ko ju miliọnu marun naira ti ofin fun oludari agba ileeṣẹ ijọba lagbara lati buwọlu lọ.

Bakan naa lo ni ọrọ ri fun inawo lori iwe alakọle ti wọn na miliọnu mẹrindinlaadọta le lori, eyi to ni wọn pin fun ileeṣẹ agbaṣẹṣe mọkanla ti ọkọọkan wọn si gba miliọnu marun naira.

Amọṣa, aṣoju ileeṣẹ epo rọbi ni ijọba apapọ, Godwin Akubo, ni wọn gbe igbesẹ naa jade lati tete mojuto ohun to n jẹ awọn ipin kọọkan to wa labẹ ileeṣẹ naa ni.

O fi kun un pe ilana gbogbo to tọ labẹ ofin ni wọn tẹle.