Electricity new tariff: ''Àjọ NERC ti fún Disco láṣẹ láti padà sí owó tàríìfù tuntun iná mọ̀nàmọ́ná''

Otitọ ni wi pe ileeṣẹ ina mọnamọna Disco ti pada si owo ina tuntun ti wọn ni ki awọn araalu maa san.

Ọkan lara awọn oṣiṣẹ ileeṣẹ Disco Ikeja ti ko fẹ ki BBC darukọ rẹ lo fidi ọrọ yii mulẹ fun BBC Yoruba.

O ṣalaye pe ọjọ kinni oṣu kọkanla ọdun 2020 yii ni ajọ to n ṣakoso awọn ileeṣẹ mọnamọna, NERC ti fawọn laṣẹ lati pada si owo in a tuntun.

Ṣugbọn ohun to jẹ iyalẹnu ni pe ọpọ awọn onibara lo ti n kọminu pe lati inu oṣu kẹwaa ni ileeṣẹ Disco ti bẹrẹ si fawọn onibara wọn ni ni biili tuntun.

Nigba ti a beere bo ya ijọba apapọ mọ si bi wọn ṣe bẹrẹ si gba tariifu tuntun, oṣiṣẹ Disco naa sọ pe ajọ NERC nikan lo le dahun ibeere yii.

O ni ọpọ araalu ni wọn n dibọn pe awọn ko mọ nitori wọn ko faramọ igbesẹ Disco lori ọrọ tariifu ina tuntun.

''Gbogbo awọn onibara wa lo n sọ kaakiri pe ọfẹ ni ijọba n gbe mita ina mọnmọna fawọn eeyan, ṣugbọn niṣe ni wọn dakẹ lori ọrọ tariifu tuntun,'' oṣiṣẹ Disco lo sọ bẹẹ.

Ẹwẹ, ajọ ajafeto-ọmọniyan kan ni Naijiria, SERAP ati awọn eeyan mejilelọọdunrun mii, ti pe aarẹ Buhari ati ile aṣofin lẹjọ tẹlẹ lori afikun owo epo bentiroo ati owó ina ọba.

SERAP ati awọn ti wọn dijọ pe ẹjọ yii ni awọn fẹ ki ile ẹjọ "f'ọwọ rọ afikun owo epo ati ina ọba sẹyin.

Alaye wọn ni pe awọn eeyan to dipo nla mu ninu ijọba ko le maa gbadun, ki wọn wà ni k'ara ilu maa ṣe ifarada."

Ninu awọn ti wọn pe lẹjọ yii la ti ri igbakeji aarẹ, Yemi Osinbajo, aarẹ ile aṣofin agba Ahmad Lawan, Olori ile aṣoju-ṣofin, Femi Gbajabiamila ati awọn mii.