NULGE election: Ẹgbẹ́ NULGE Oyo dìbò yan olóyè ẹgbẹ́ tuntun èyí tó tako àṣẹ iléẹjọ́

Ẹgbẹ awọn oṣiṣẹ ijọba ibilẹ NULGE, ẹka ti ipinlẹ Oyo, ti dibo yan awọn oloye igbimọ alaṣẹ tuntun fun ẹgbẹ naa.

Eto idibo ọhun to waye lalẹ tako aṣẹ ileẹjọ to sọ pe ki wọn si da etro idibo naa duro naa.

Adajọ N. C. S. Ogbuanya ti ileẹjọ to n ri si ọrọ awọn oṣiṣẹ ọba niluu Eko lo fote le eto idibo awọn oloye ẹgbẹ tuntun.

Ẹjọ to wa nile ẹjọ ọhun da le ẹjọ ti Ọgbẹni Hakeem Ojo Oyewo pe wi pe wọn yọ oun kuro gẹgẹ bi ọkan lara awọn oludije fun ipo aarẹ ẹgbẹ NULGE.

Ofin yii si wa sibẹ, bẹẹ ni ko si le jẹ ki wọn ṣe eto idibo miiran titi ẹjọ naa yoo fi ni iyanju nile ẹjọ.

Amọ, ni idaji ni wọn dibo yan Kọmureedi Ayobami Olusegun Adeogun gẹgẹ bi alaga ẹgbẹ NULGE ipinlẹ Oyo.

Nigba ti wọn kde rẹ tan gẹgẹ bi ẹni to jawe olubori ninu eto idibo naa, Kọmureedi Adeogun ṣeleri pe oun ko ni ja awọn ọmọ NULGE kulẹ.

Alaga tuntun naa sọ pe oun ko ni ṣai maa tọ ipasẹ awọn to ti dipo olori mu ninu ajọ naa tẹlẹ.

O gbadura wi pe ki Eleduwa jẹ ki oun ruure ki oun sọ ọ 're.