Wo ohun tí òṣìṣẹ́ yí ṣe tí ọ̀gá rẹ̀ fi fún ní ẹ̀bùn owó £10 mílíọ̀nù

Ọga ileeṣẹ kan fun ọmọiṣẹ rẹ to n fẹyinti ni ẹbunowo miliọnu mẹwaa pọun owo ilẹ Gẹẹsi lati fi sami ifẹyinti rẹ.

Ẹbun owo ti a n sọrọ rẹ naa wa fun awon ọṣiṣẹ ẹgbẹrun meje ati ẹẹdẹgbẹta ileeṣẹ naa to wa lagbegbe South Wales ati ẹgbẹrun mẹta to wa loke okun.

Ọga agba ileeṣẹ Admiral', David Stevens ati iyawo rẹ, Heather lo gbe ẹbun owo ifẹyinti naa kalẹ.

Awọn oṣiṣẹ kan yoo gba ẹbun owo ẹgbẹrun kan pọun, awọn miran yoo si gba ẹẹdẹgbẹta pọun.

Ọgbẹni Steven pẹlu iyawo rẹ ni wọn jumọ da ileeṣẹ adojutofo ọkọ naa silẹ lọdun 1991.

O ni inu oun dun lati ba awọn oṣiṣẹ naa ṣiṣẹ pọ.

"Lati dupẹ lọwọ awọn oṣiṣẹ naa lona ti a gba ṣe yii gan an ni ohun to tọ."

O fi kun un pe "itẹpamọṣẹ wọn ati ifọkansin lẹnu iṣẹ lo mu ki ileeṣẹ Admiral o tubọ goke agba sii lati ibẹrẹ titi di eyi to fi n ni oṣiṣẹ to le ni ẹgbẹrun mọkan bayii kaakiri agbaye."

Olori ileeṣẹ naa tẹlẹ, Henry Englehardt lo ti koko fun ọkọọkan awọn oṣiṣẹ ileeṣẹ naa ni ẹgbẹrun kan pọun eyi ti apapọ rẹ bọ si miliọn meje pọun nigba to n fẹyinti lọdun 2016.

Oṣiṣẹ mẹtadinlọgọta ni ileeṣẹ naa fi bẹrẹ gẹgẹ bi ileeṣẹ to n fi ẹ̀rọ ibanisọrọ foonu ta eto adojutofo fawon onibara wọn.