Seyi Makinde: Ọdún 2023 ni màá jíyìn iṣẹ́ ìríjú mi ní ẹ̀kúnrẹ́rẹ́
Arise ni arika, arika si ni baba iregun, eyi lo mu ki gomina ipinlẹ Oyo, Onimọ ẹrọ Seyi Makinde fi ṣe alaye aseyọri rẹ ni aarin ọdun kan.
Makinde, nigba to n kopa lori akanse eto to n sami ọdun kan ijọba rẹ lori aleefa, ni ijọba oun ti pari apapọ iṣẹ akanṣe ojilenigba o din ẹyọ kan tijọba ana fi silẹ ni ẹka eto ẹkọ.
- Ìdí rèé tí ilẹ̀ Afirika fi gbọdọ̀ kópa nínú dídán abẹ́rẹ́ coronavirus wò
- Nǹkan oṣù obìnrin le jáde ní imú tàbí ìdodo yàtọ̀ sí ojú ara - Dókítà
- Africans in China: Ọmọ Naijiria sọ bí wọ́n ṣe lé òun jáde kúrò nílé nítorí ó jẹ́ aláwọ̀dúdú
- Coronavirus and Kayeefi: Òtítọ́ àti irọ́ wo ló wà nípa oògun owó àtàwọn ìṣẹ̀lẹ̀ kàyééfì míràn
Oríṣun àwòrán, Seyi Makinde
Bakan naa lo fikun pe, ijọba oun tun ti da ọwọ le akanṣe iṣẹ miran ni ẹka naa to to mejidinlaadọrin pẹlu afikun pe oun lo ajakalẹ arun Coronavirus lati ṣe agbega ẹka eto ilera nipinlẹ Oyo ni.
Oríṣun àwòrán, Seyi Makinde
"O ti pe ọdun kan ti mo gba akoso ipinlẹ Oyo, asiko ka sere yatọ, asiko ijiyin iṣẹ iriju ẹni si yatọ pẹlu, ọdun 2023 si ni maa jiyin iṣẹ iriju mi ni ẹkunrẹrẹ, sugbọn ko to di igba naa, o yẹ ka mọ ibi ti a ti n bọ, ka lee mọ baa ṣe ṣe aseyọri si."
Oríṣun àwòrán, Twitter
"Mo ti mu ileri mi ṣẹ lati pari gbogbo iṣẹ asepati ti ijọba to kọja lọ ti ṣe lati ọdun 2011, ti n ko si fi imọ tara ẹni nikan bẹrẹ iṣẹ tuntun miran, ninu ọdun yii nìkan, iṣẹ ojilenigba o din mẹrin la dawọ le."
Oríṣun àwòrán, Seyi Makinde
Makinde tun salaye pe, ayipada rere ti n ba owo ti ijọba Oyo n pa wọle labẹle, o si ti di irọrun lati gba iwe aṣẹ emi ni mo nilẹ bayii, toun si tun ṣe atunṣe awọn oju popo to ti bajẹ."
Oríṣun àwòrán, Seyi Makinde
Gomina Makinde ni oun mọ riri atilẹyin ati igbẹkẹle awọn eeyan ipinlẹ Oyo ninu oun, oun si seleri lati ma ṣe ja wọn kulẹ.
