Oluwo: Agbówú wá bẹ̀bẹ̀ fún adé lọ́dọ̀ mi ni, torí náà, abẹ́ mi ló wà
Oríṣun àwòrán, Oluwo
Oluwo tilu Iwo, Aba Abdulrasheed Adewale Akanbi, Telu Kinni, ti fesi si ohun to bi ija agba meji to waye lọjọ Ẹti laarin rẹ ati Agbowu tilu Ọgbaagbaa, Ọba Dikrullai Olaleke Akinropo, Ọlabiran Kẹta.
Oluwo salaye loju opo Instagram rẹ pe lootọ ni ọga ọlọpa pe awọn si ipade alaafia amọ se ni Agbowu n da ọrọ mọ oun lẹnu, to si n pe oun ni orukọ buruku, ti ko se gbọ seti.
Àwọn iròyin tì ẹ leè ní ìfẹ̀ síí:
- Ìjọba Ọ́ṣun, Oluwo kò yẹ lẹ́ni tó leè darí ìlú, ẹ bá wa le kúrò lórí ìtẹ́ - Olú ti Ilé-Ogbó
- Ọjọ́ orí wo ló yẹ kí ikùn ẹ̀dá bẹ̀rẹ̀ sí tóbi?
- Ọ̀nà ọ̀tọ̀ ni àjọ EFCC àti NYSC gbé àyájọ́ olólùfẹ́ ọdún 2020 gba
- Ààrùn coronavirus ti ràn dé ilẹ̀ Afirika, Egypt ló kọ́kọ́ yà
- Ìjọba Ọ́ṣun, Oluwo kò yẹ lẹ́ni tó leè darí ìlú, ẹ bá wa le kúrò lórí ìtẹ́ - Olú ti Ilé-Ogbó
- 'Mo lè jẹ eku mẹ́wàá lọ́jọ́ kan'
Ọba Akanbi ni se ni Agbowu na ọpa asẹ rẹ si oun, to si fẹ kii bọ oun loju, ti oun si fi tipa kọ igbesẹ naa, eyi ti ara Agbowu ko gba rara.
This article contains content provided by Instagram. We ask for your permission before anything is loaded, as they may be using cookies and other technologies. You may want to read Instagram cookie policy and privacy policy before accepting. To view this content choose 'accept and continue'.
End of Instagram post, 1
Oluwo wa n beere pe "bawo lo ti seese ki Kọsitabu ọlọpa maa yaju si Kọmisana ọlọpa niwaju ọga agba ọlọpa, se eyi seese bi? N jẹ ẹnikẹni lee hu iru iwa yii si Ọọni abi Alaafin?
Bakan naa lo fi kun pe awọn ẹri to daju wa nilẹ pe jẹjẹ ni oun joko, ti baalẹ ilu Ọgbaagbaa, eyiun ọba Akinrọpo yii kan naa, kọwe si oun pe oun fẹ maa dade, eyi to fihan pe abẹ oun Oluwo ni ilu Ọgbaagba wa, tori wọn wa tẹdo sara ilẹ Iwo ni.
This article contains content provided by Instagram. We ask for your permission before anything is loaded, as they may be using cookies and other technologies. You may want to read Instagram cookie policy and privacy policy before accepting. To view this content choose 'accept and continue'.
End of Instagram post, 2
"Ta ba wo ohun ti asa ati itan sọ, Oluwo lo fi Ọgbaagba si ibi ti wọn tẹdo si loni, lodi si ahesọ ọrọ ti wọn n gbe kiri. Mo ni iwe ti mo fi gbe ade fun awọn ọba marundinlogoji to wa labẹ mi, ilẹ Iwo si kọja agbegbe Ọgbaagbaa, ojuse mi si ni lati daabo bo awọn ilẹ naa."
"Kii se nitori temi abi iran ta wa yii, amọ tori iran to n bọ lẹyin ni, ẹsẹ ti mo sẹ ree o, wọn fẹ ta ilẹ Iwo ni. Gbogbo ilẹ Iwo lo ti fẹẹ lọ tan, to si ti n bọ sọwọ awọn atalẹjẹun nitori ohun ti ko to nkan."
Oríṣun àwòrán, Ọba Dikrulahi Ọlaleke Akinrọpo, Ọlabiran Kẹta.
Oluwo fikun pe, a gbọdọ raga bo ilẹ Iwo, ohun ti oun si n se ree, ti ọjọ ọla yoo si da ohun lare, ẹnikẹni, to fi mọ ọba lo si lee ta dukia rẹ amọ iwa ailaju ni ki ọba maa ta ilẹ ilu lowo idakọmu, lai si ẹni ti yoo yẹ lọwọ wo.
Ọba Akanbi fikun pe, ojoojumọ ni oun n gbọ ariwisi awọn araalu lori igbesẹ naa, ki ọba maa ta ilẹ kan fun eeyan meji-mẹta, lai jẹ ki awọn mọlẹbi to ni ilẹ mọ si.
Oríṣun àwòrán, Oluwo
"Ẹ wo iru Agbowu yii to bẹbẹ pe oun fẹ de ade, lo tun wa pada lọ sọ fawọn akọroyin pe oun ko si labẹ Oluwo, to si tun fẹ sọ Oluwo di afọju nipa nina ọpa asẹ si mi loju. Awa ọba alaye kii se alakoso ilẹ, mo si gbọdọ da si iwa iwa tita ilẹ laidaa ti wọn n hu, ki n si pin wọn lọwọ rẹ."
Oluwo ni wọn ri ilẹ tita bi ojulowo ọna ti owo n gba wọle fun wọn, afojusun oun si ni lati tọ wọn sọna pe ko daa, kii se lati gba ohun ti oun ti fun wọn.
"Gbogbo awọn ọba ti ọrọ yii kan labẹ mi, ko si eyikeyi ninu yin ti yoo maa jẹun lati ara araalu, ti yoo fi ara re lọ, ẹ ko si ni mu jẹ. Aayan si ti n lọ lọwọ lati gba gbogbo awọn ilẹ ti awọn ọba alaye yii ti gba lọna aitọ, tabi ta fawọn atalẹjẹun."
O wa n beere pe anfaani ilẹ tita wo lo wa labẹ asa ati ihuwasi lọjọ ọla fawọn araalu, ti ọba ti ta gbogbo ilẹ wọn jẹun?
Oríṣun àwòrán, Oluwo
Oluwo salaye pe, iwa ọlaju ode oni lo bọwọ fun ilana aatọ ati ẹtọ ẹnikọọkan. Awọn ilu to wa nilẹ Iwo ti fun pọ ju.
