Yobe Lawan: Wọ́n ti ní kí Baalẹ̀ Yobe lọ rọọ́kún nílé torí ẹ̀sùn pé o fipá bá ọmọdé sùn

Gomina ipinlẹ Yobe, Mai Mala Buni ti kede pe ki Baalẹ ilu Fananami, Lawan lọ rọọkun nile.

Gomina ṣe ikede yii lataari ẹsun ti wọn fi kan Baale Lawan Mari ni Gashua pe o fipa ba ọmọ ọdun mẹfa ọkunrin kan sun ni ilu wọn ni ijọba ibilẹ Bade ni ipinlẹ Yobe.

Kọmiṣọna fun ọrọ ile, eto ifitonileti ati aṣa lo ṣe ikede yii lorukọ Gomina ni Damaturu to jẹ olu ilu ipinlẹ Yobe ni ariwa Naijiria.

Ogbẹni Abdullahi Bego to jẹ kọmiṣọnna yii ṣalaye pe iwa buruku gbaa ni ẹsun ti wọn fi kan odindin Emir ilu naa.

O ni Gomina Buni ti ni ki iwadii bẹrẹ ni kia lai ṣegbe fẹnikan ki ọwọ ofin si mu Baale naa to ba jẹbi ẹsun ọhun lẹyin iwadii kikun.

Kọmiṣonna ni ikede pe ki Baalẹ lọ rọọkun naa wa ni ibamu titi ti wọn yoo fi pari iwadii naa ti yoo fi otitọ ohun to ṣẹlẹ han.

O ni wọn ti ṣayẹwo to yẹ fun ọdọmọde naa ti ọrọ kan nile iwosan bi o ti yẹ ati pe wọn ti ṣe akọsilẹ ipo ti wọn baa.

Ile iwosan ijọba apapọ ni Gashua ni wọn ti ṣe itọju to yẹ fun ọmọ ọdun méfa naa.