Brazil police brutality: Awuyewuye ti n wáyé lórí bí ọlọ́pàá ṣe fún obìnrin kan ní ọrùn pa

Ọlọpaa meji ni yóò koju ẹsun iwa ọ̀daràn lẹyin ti aworan to safihan wọn nibi ti wọn ti n fun obinrin aláwọ̀ dúdú kan ni ọrùn mọ́lẹ̀.

Ninu àwòrán naa, ọkan lara awọn ọlọpaa naa ti wọn ko dárúkọ, n gun ọrùn obìnrin naa to jẹ olookowo ọtí mọlẹ.

Lẹyin naa ni wọn bẹrẹ si ni fi ṣẹ́kẹ́-ṣẹké wọ́ obìnrin ọhun nilẹ.

Ẹnikan ti iṣẹlẹ naa to waye l'oṣu Karun, lo ya fidio naa.

Gomina ipinlẹ naa, João Doria, sọ pe oun ko ni i faaye gba ìwà palapala bẹẹ, ati pe iṣẹ́ ti bọ lọwọ ọlọpaa mejeeji.

Gomina fi kún un pe ẹgbẹrun meji ọlọpaa ni São Paulo, ni yoo ma fi ẹrọ ayaworan si ara bayii.

Aworan naa si ti fa awuyewuye ni orilẹ-ede Brazil, paapa nitori pe iru iṣẹlẹ naa ti waye ri nilẹ America lasiko ti ọlọpaa fi orunkun fun ọkùnrin aláwọ̀ dúdú kan, George Floyd, lọrun pa l'oṣu Karun un.

Ikú Floyd fa iwọde jakejado America.