Украина. Янгиликлар: Энг ёмон ваҳшийликни руслар эмас, чеченлар қилмоқдами? Rossiya Ukraina Dunyo Yangiliklar

Россиялик ҳарбийлар

Сурат манбаси, Getty Images

Рим Папасининг айтишича, Украинадаги урушида россиялик баъзи миллий озчиликлардан бўлган аскарлар ўзларини жуда ёмон тутишмоқда.

Католиклар олий руҳонийсига кўра, энг "шафқатсиз" қўшинлар чеченлар ва бурятлардир.

АҚШ нашрига интервью берган Папа Франциск, шунингдек, 1930-йилларда Украинада юзага келган очлик ёки Ҳолодоморни ҳам Кремль амалга оширган геноцид, деб атади.

Россия бу иддаоларни "бузуқлик" деб атаган ва барча миллий гуруҳлар "бир оила" эканини таъкидлаган.

Алоқадор мавзулар:

Америкадаги Jesuit насроний нашри Рим Папаси билан суҳбат уюштирган ва ундан нега Россияни Украина уруши учун айблашга иштиёқи йўқлиги эҳтимолини сўраган.

Бунга жавоб берган Папа эса "қўшинларнинг шафқатсизлиги борасида кўп маълумот" олганини таъкидлаган.

"Умуман олганда, энг ваҳший россияликлар руслар (рус анъаналари) эмас, балки чеченлар, бурятлар ва бошқалар" - деб айтган католиклар олий руҳонийси.

Skip Энг кўп ўқилган and continue reading
Энг кўп ўқилган

End of Энг кўп ўқилган

Айни пайтда, у босқинчи, барибир, "Россия давлати" эканини урғулаган.

Жабрдийда аёл
Сурат тагсўзи, Украиналик аёллар Россия аскарлари жинсий зўравонлик ҳам қилишганини айтишади.

Чеченлар мусулмон, бурятлар (мўғуллар) эса буддавийлик ва қисман шомон динларига эътиқод қилишади.

Руслар православ насронийлардир.

Россияда яна бир неча миллат ва дин вакиллари яшовчи республикалар бор.

Нашр Пападан нега Путинни тўғридан-тўғри қораламагани ҳақида савол сўраган.

"Путиннинг номини тутаманми ё тутмайманми, менинг мавқеимни ҳамма билади" - деб айтган Папа.

Россия Ташқи ишлар вазирлиги воизи Мария Захарова эса Папанинг гапларини қоралаб чиқди.

"Бу нафақат русофобия, балки ҳатто мен номини ҳам айта олмайдиган бузуқлик" - деган у католиклар руҳонийси гапига жавобан.

"Биз бурятлар, чеченлар ва бошқалар билан кўп миллатли ҳамда турли эътиқодли мамлакатимизда бир оиламиз" - деб ёзган Мария Захарова Telegram саҳифасида.

Папа Франциск Украинадаги очлик, яъни Ҳолодомор санасини нишонлаш ниятини ҳам билдирган.

У Ҳолодоморни геноцид, деб атаган ва ҳозирги низонинг тарихини ҳам унда кўришини қайд этган.

Совет диктатори Иосиф Сталин бошлаган колхозлаштириш боис 1932-1933-йиллари Украинада юзага келган очликда камида 4 миллион украиналик нобуд бўлган.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek