Путин ядровий бомба қўлласа АҚШнинг жавоби қандай бўлади? Киевга ҳужумдан сўнг ғарб Украинага ҳаво ҳужумига қарши ҳимоя бера бошлади Rossiya Putin Yangiliklar

АҚШ Президенти Байден Путин Украина халқи борасида янглишганини айтди. У, шунингдек, Путин ядровий бомба қўллашига ишонмаслигини билдирди. Россия Украинадаги шаҳарларни масканларини бомбалагач, Ғарб расмий Киевга ҳаво ҳужумига қарши ракеталар етказиб беришни тезлаштирди.

АҚШ Президенти Жо Байден CNN журналистига берган интервюсида Путин Украинада ядровий бомба қўллашига ишонмаслигини айтди.

"Мен у бундай қилади, деб ўйламайман. Дунёдаги йирик ядровий давлатлардан бирининг раҳбари Украинада тактик ядровий бомба қўллаши ҳақида гапириб, масъулиятсизлик қилаяпти, деб ҳисоблайман", деган у.

Байден Путин барибир ўз ниятини амалга оширган тақдирда АҚШнинг жавоби қандай бўлади, деган саволни очиқ қолдирган.

Унинг айтишича, Пентагон бу каби ривожланишлар учун олдиндан турли вариантларни тайёрлаб қўйган.

Алоқадор мавзулар:

"Бу нарса муҳокама қилинган, аммо мен бу ҳақда гапирмоқчи эмасман. Биз нима қилишимиз ёки қилмаслигимиз ҳақида гапириш мен томондан қилинган масъулиятсизлик бўлади", деган Байден.

CNN журналисти, сиз бу сценарийни амалга оширишни Пентагондан сўрадингизми, деган саволига, Трамп "Пентагондан сўраш керак" эмас, деб жавоб берган.

Байден Путинни Украина бостириб киришда қаттиқ янглишган, рационал сиёсатчи сифатида билишини айтган.

"Менимча, у қаттиқ янглишган, рационал ўйинчи", деган Байден.

АҚШ Президенти Путиннинг Украинадаги мақсадларини маъносизлигини айтган.

"У нима деётганига қаранг. Агар сиз унинг ушбу қарорни (бостириб кириш) қабул қилгандан сўнг айтган нутқини эшитсангиз, у барча русийзабонларни бирлаштирувчи Россия раҳбари бўлишни исташини айтган. Мен буни шунчаки ақл бовар қилмас ҳолат деб ўйлайман", деган Байден.

Унга кўра, Путин украинлар Россия ҳарбийларига бўйсинади, деб ўйлаб хато қилган.

Ғарб Украинани ҳаво ҳужумидан мудофаа тизимлари билан таъминлашни тезлаштиришди.

Қрим кўприги портлатилгач Россия армияси Украинанинг фронт ортидаги шаҳарларини ракеталар билан пала-партиш бомбалаши ортидан Ғарб расмий Киевга ҳаво ҳужумидан ҳимоя тизимларини етказишни тезлаштирди.

Украина Мудофаа вазири Алексей Резников Германиянинг IRIS-T SLM зенит-ракета тизими Украинага етиб келгани ҳақидаги хабарларни тасдиқлади.

"Украинанинг ҳаво ҳужумидан мудофаасида янги давр бошланди. Германиядан юборилган IRIS-T тизимлари етиб келди. Американинг NASAMS лари қисқа вақтда келади", деган у

Украина вазири IRIS-Tни айнан кўпликда ёзган. Бошида Германия режалаштирилган 4 та тизимдан ҳозирча фақат биттасини юбориши айтилганди. Резников твитида хато қилганми ёки йўқ номаълум.

Олдинроқ АҚШ NASAMS тизимларини етказизни тезлаштиришни маълум қилганди.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek