Байден Путинни Украина ишғоли учун кескин чоралардан огоҳлантирди Rossiya AQSh (видео)
Сурат манбаси, Reuters
АҚШ Президенти Жо Байден ва Россия Президенти Владимир Путиннинг видео мулоқоти бутун жаҳон диққат марказида бўлди.
Мабодо Россия Украинага бостириб кирса, АҚШ Россияга нисбатан "кучли иқтисодий ва бошқа чоралар кўришга тайёрланаётгани" айтилди.
Президент Байден Украина чегарасига яқин ҳудудда Россия ҳарбий кучлари тўпланганидан хавотир билдирган, тарангликни юмшатишга чақирган.
Россия ҳужум қилмаслигини айтган.
Президент Путин Украинани провокацияда айблаган ва НАТОнинг шарққа кенгаймаслиги ва Россияга яқин жойга қурол-яроғ жойлаштирилмаслигига кафолат олишини исташини айтди.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Ҳозирги вақтда Украина чегарасига яқин ҳудудда 90000 дан ортиқ Россия аскарлари тўпланган деб ишонилади. Бу нарса аллақачон таранг бўлган Россия билан АҚШ ўртасидаги муносабатларни янада таранглаштирди.
Президентлар Байден ва Путиннинг видеоанжуманидан кейин гапирган Америка президентининг Миллий Хавфсизлик бўйича маслаҳатчиси Жейк Салливан айтишича, Байден маъмурияти агар талаб қилинса, махсус қаттиқ чоралар кўришга тайёрланган.
Булар иқтисодий санкциялар ва НАТО қўшинларини минтақага жойлаштириш ва Украинага мудофаа мақсадидаги техника етказиб бериш сингари қўшимча чораларни назарда тутган.
Жаноб Салливан қандай иқтисодий санкциялар қўлланиши мумкинлиги масаласига ойдинлик киритмаган. Бироқ унинг сўзларига кўра, АҚШ ва иттифоқчилари Россиядан Германияга тортилган, лекин ҳали ишга тушмаган "Шимолий Оқим 2" газ қувури устида бош қотирганлар.
"Агар Владимир Путин бу қувурдан газ оқишини истаса, Украинага бостириб киришни истамайди", деб айтди Жейк Салливан журналистларга.
Бундан олдин АҚШ расмийлари Германияда агар Россия Украинага бостириб кирса "Шимолий Оқим 2"ни ёпиш борасида келишувга эришганлари хабар қилинган эди.
Сурат манбаси, Reuters
Хабарларга кўра, Россия банкларининг рублни бошқа хорижий валюталарга конвертация қилишларига чеклов киритиш ёки ҳатто Россияни Swift глобал молия тўлови тизимидан узиб қўйиш каби жазо чоралари ўйлаб кўрилган.
"Биз 2014 йилда қилмаган ишларни энди қилишга тайёрландик", деб айтган АҚШ президентининг Миллий Хавфсизлик бўйича маслаҳатчиси Жейк Салливан 2014 йилдаги Россиянинг Қримни аннексия қилганини назарда тутиб.
Жаноб Салливан сўзларига кўра, "Қўшма Штатлар бу масалалар бўйича қандай мавқеъда турганини Президент Байден аниқ-тиниқ қилиб кўрсатган".
АҚШ ва Россия президентлари олдинги маъмуриятлар пайти йўлга қўйилган, бироқ ҳеч ҳам ишлатилмаган хавфсиз видео линк орқали музокара қилишган.
Музокарага Президент Путин Сочидаги қароргоҳидан, Президент Байден эса Оқ Уйдан қўшилган.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
