Сурия жамлоғи: Болаларни ИШИД ғояларида тарбиялашаяпти - видео Suriya Islomiy Davlat ISHID

Ўзини "Исломий Давлат" деб атаган гуруҳ жангариларининг минглаб аёл ва болалари Сурия шимолидаги лагерларда сақланмоқдалар.

Бу жамлоқлар учун масъул Курд расмийларига кўра, агар шундай давом этаверса, бас келиб бўлмайдиган фалокатга дуч келинади.

Курд масъуллари давлатларни жамлоқда сақланаётган инсонларни қайтариб олишга чақириб келадилар.

Аммо ўз фуқароларини таҳдид сифатида кўрадиган аксар мамлакатлар аёллар ва болаларни олишни истамаяпти.

ИШИД чалажон, аммо ғояси ҳамон уйғоқми?

Жамлоқларнинг бирида бўлган Би-би-си мухбири Пунам Танежа у ерда яшаётганларнинг ўз жамлоқдошлари томонидан зўравонликларга учрашаётгани ва оилаларнинг парокандаликка юз тутишаётганига гувоҳ бўлган.

"ИШИД жанг майдонида мағлуб этилган бўлиши мумкин, аммо уларнинг издошлари ва оилалари тутиб турилган жамлоқларда гуруҳнинг шафқатсиз ғояси ҳамон тирик. Қотилликлар кенг тарқалган. Қурол-яроғ ва одамларнинг ноқонуний савдоси амалда. Болалар мутаассиблашиш хавфи остида", дейди Би-би-си мухбири.

Сурияда яна қанча ўзбекистонлик қолган?

Лагерларни сақлаб туриш учун масъул Курд мулозимлари жиддий огоҳлантиришмоқда.

"Ҳар куни одамлар ўлдирилади. Болаларни Исломий Давлат ғояларида тарбиялашмоқда. Бу глобал муаммо. Аммо халқаро ҳамжамият бу масалада бурч ва масъулиятни ўз зиммасига олмаяпти. Агар шундай давом этса, биз бас кела олмайдиган фалокатга дучор бўламиз", - дейди Доктор Абдулкарим Умар.

"Вақт бесамар йўқотилаётганига оид хавотирлар бор. Улардан аксарияти учун ўз ватанларида ёрқинроқ келажакка бўлган умид ҳам сўниб боряпти", дейди Би-би-си мухбири.

ИШИД сўнгги қишлоғи олинди. Ўзбеклар қаерга кетди?

Ўзбекистон ва Марказий Осиё: Яқин Шарқдаги жангарилар тақдири нима бўлади?

ИШИД жамлоғидаги болалар тақдири нима бўлади?