Чернобиль спиртли ичимлиги хавфсизлик хизматлари томонидан нима учун мусодара қилинди? Дунё, янгиликлар

Pripyat drone shot — Сурат тагсўзи, 1986 йилги ҳалокатдан сўнг атом станцияси атрофидаги минтақадан одамлар кўчирилган

- Author, Виктория Жил
- Role, Илм-фан масалалари мухбири, BBC News
10 май 2021

Чернобиль атом станцияси атрофидаги ўстирилган олмалардан тайёрланган "артизан спирти"нинг илк тўплами Украина хавфсизлик кучлари томонидан мусодара қилинган.

Чернобиль Спирт Ширкати "Атомик" деб аталган 1500 шиша спиртли ичимлик Украина мулозимлари томонидан 19 март куни олиб қўйилганини айтган.

Бу спирт Чернобилда 1986 йилдан бери ишлаб чиқарилган илк маҳсулотдир.

A bottle of Atomik apple spirit with its UK excise stamp

Улар ҳозирда Украина хавфсизлик хизматининг текширув натижаларини кутишмоқда.

Ширкатга кўра, асли Буюк Британияга жўнатилиши керак бўлган бу маҳсулотнинг мусодара қилиниши сабаби уларга маълум эмас.

"Афтидан, улар бизни Украинанинг сохта эксиз муҳрларини ишлатишда айблашмоқда", дейди профессор Жим Смит.

Профессор Смит бир неча йиллар Чернобилдаги тақиқланган ҳудудни ўрганган. Украиналик ҳамкасблари билан Чернобиль Спирт ширкатига асос солган.

Олимлар раҳбарлик қиладиган бу ширкат "Атомик" ичимлигини Чернобил минтақасида ишлаб чиқаради. Бу 4 минг квадрат километрлик ҳудуд 1986 йилги портлашдан сўнг тарк этилган.

Skip Энг кўп ўқилган and continue reading

Энг кўп ўқилган

End of Энг кўп ўқилган

Тадқиқотчилар бу ерда буғдой ва экинларни ўстириб кўришган. Бу ерда олинган ҳосил истеъмол учун хатарсиз бўлиши мумкин.

2019 йилда биз "Атомик" ароқ мартинини тотиб кўргандик. Ўшанда профессор Смит бизга бу ичимлик бошқа ароқлардан кўра кўпроқ радиоактив эмаслигини айтганди.

Experimental farm in the Chernobyl exclusion zone

Ўшандан бери у ўз ҳамкасблари билан олмадан тайёрланадиган спирт чиқариш устида ишлади. Олмалар эса Народичи туманида етиштирилди. Бу тақиқланган ҳудуднинг шундоққина ташқарисида жойлашган. Тақиқланган ҳудудда эса қишлоқ хўжалиги маҳсулотлари етиштириш мумкин эмас.

Ширкат ўз фойдасининг бир қисмини маҳаллий ва мамлакат бўйлаб атом ҳалокатидан озор чекканларга хайрия қилишни режалаган.

BBC News Киевдаги Бош прокуратура билан боғланди, аммо мақола ёзилаётган пайтга қадар жавоб ололмади.

Narodichi, Ukraine — Сурат тагсўзи, Народичи тумани

Доктор Геннадий Лаптев ширкат эгаларидан бири ва атом ҳалокати асоратларини бартараф этиш учун портлашнинг илк ҳафталари ишлаган инсонлардан... "Биз бу муаммо ҳал бўлади ва Чернобиль ҳалокати туфайли юзага келган халокатли ижтимоий-иқтисодий муаммоларни ечиш учун ҳаракатларимиз давом этади, деган умиддамиз".