SpaceX ракетаси парвози, ёнаётган АҚШ шаҳарлари, карантинни юмшатаётган Ҳиндистон Dunyo O’zbekiston

SpaceX хусусий ракета компанияси икки Nasa фазогирини орбитага учирди.

Бу космик кемалар тўққиз йил аввал нафақага чиқарилганидан бери америкалик фазогирларнинг АҚШ ҳудудидан космосга учирилишидир.

Даг Ҳўрли ва Боб Бенкен нафақат янги капсула тизимини синаб кўришмоқда, балки Nasa учун янги бизнес моделини бошлаб беришмоқда.

Агентлик бундан буёғига ўз кемаларга эгалик қилмайди ва SpaceX таклиф қилувчи «такси» хизматидан фойдаланади.

Умид қилинишича, технология миллиардери Илон Маскнинг SpaceX лойиҳасидан сўнг бошқа компаниялар ҳам қўшилиб фазо бозорини кенгайтирадилар. Boeing аллақачон бу йўлда Nasa билан шартнома имзолаган.

Жаноб Маск ўз қурилмаси астронавтларни орбитага олиб чиқишини кўриб эҳтиросларга тўлиб тошиб кетганини билдирди.

Жорж Флойд қотиллиги: АҚШ шаҳарларида комендантлик соати ўрнатилди

Қора танли кишининг полиция қўли остида жон бериши ортидан келиб чиққан ғалаёнлар туфайли АҚШнинг 30дан ошиқ шаҳрида комендантлик соати ўрнатилди.

Аввалига тинч ўтган йирик норозилик намойишлар сўнг кўп жойларда зўравонликка айланган.

Бинолар ва машиналарга ўт қўйилган, полиция зобитлари дўппосланган, ғалаён полицияси кўзни ёшлантирувчи газ ва елим ўқларни ишга солган.

Энг ёмон шикастланган шаҳарлардан бири Лос-Анжелес бўлди.

Нью-Йоркда полиция машинаси намойишчилар ҳужуми ичида қолиб кетди.

Атлантада намойишчилар комендантлик соати ўрнатилгандан кейин ҳам кўчаларда қолиб хусусий бинолар ва машиналарга ҳужум қилишди.

Аввалига намойишчиларни «безорилар» дея тамғалаган Президент Доналд Трамп ярашувга ундади.

Миннеаполис шаҳрида 46 ёшли собиқ полициячи жаноб Флойднинг ўлимида расман айбланди. 44 ёшди Дерек Шовин душанба куни судга тортилиши кутилади.

Кенг тарқалган видеотасвирларда у Флойд нафас ола олмаётганини айтса ҳам унинг бўйнига бир неча дақиқа тиззасини босиб тургани кўринган.

Microsoft ўз MSN вебсайтини юритадиган ўнлаб журналистларини автоматик тизимлар билан алмаштириши хабар қилинди.

Ҳозирда MSN сайтида пайдо бўладиган янгиликлар ва суратларни журналистлар хабар агентликлари маҳсулотлари ичидан танлаб чоп қиладилар.

Эндиликда бу вазифани сунъий идрок, яъни роботлар, эндиликда бу вазифани бажаришлари айтилади.

Microsoft бу чора ўз бизнесини қайта таҳлилий кўриб чиқишнинг бир қисми эканини билдирди.

«Бу қарор ҳозирги пандемиянинг оқибати эмас» деди компания ўз баёнотида.

Ҳиндистон карантин тартибини сусайтирмоқда

Ҳиндистон коронавирус юқтириш ҳоллари бўйича янги кунлик рекорди - 8 мингдан ошиқ янги ҳолни қайд қилса ҳам, карантин чораларини яна енгиллаштираётганини эълон қилди.

Уч босқичлик режага биноан, 8 июндан бошлаб ресторанлар, меҳмонхоналар, савдо марказлари ва ибодат масканлари қайта очилишига рухсат берилади.

Июлда мактаблар ва коллежлар ҳам очилиши айтилди.

Аммо, Ковид-19 тарқалиш ҳоллари юқори бўлган ҳудудларда қатъий карантин тартиби сақланиб қолади.

Умумийла Ҳиндистонда вирусни юқтирганлар сони 174,500, вафот этганлар эса 5 мингга яқин экани қайд қилинган.

Коронавирус: Россияда вирусдан ўлганлар сони кунлик рекордни урди, ЖССТ иккинчи хуруж билан огоҳлантирди

Коронавирус: Хитой пандемия баҳона ҳаддидан ошмоқдами?

Россия-Ўзбекистон: Путин ўзбек тили масаласига аралашган Захаровани орден билан мукофотлади

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek