Ўзбекистон: Президентликка номзодлар жонли телеэфирда баҳслашиши керакми? O'zbekiston Mirziyoyev saylov

Ўзбекистондаги "Ижтимоий фикр" маркази ўтказган сўровда маълум бўлишича, ўзбекистонликларнинг анчаси президентликка номзодларнинг телевизион жонли эфирда ўзаро баҳслашишларини кўришни хоҳлашади.

Ўзбекистонда навбатдаги президентлик сайлови 24 октябр куни бўлиб ўтади.

Ўзбекистон мухолифат бўлишидан манфаатдор экан, нега Оллоқулов номзодига рухсат берилмади?

Бу йилги сайловда Ўзбекистон Либерал-Демократик партиясидан жорий президент Шавкат Мирзиёев, Халқ демократик партияси номзоди Мақсуда Ворисова, «Адолат» Социал-Демократик партияси номзоди Баҳром Абдуҳалимов, Миллий тикланиш партиясидан Алишер Қодиров, Экологик партиядан Нарзулла Обломурадов расман Марказий Сайлов Комиссияси томонидан рўйхатга олинганлар.

Шавкат Мирзиёев қайта президент бўлса, нималар қилмоқчи?

Дунёнинг аксар давлатларида президентликка номзодлар сайланганлари чоғида қандай сиёсат юритишлари борасида ўзаро баҳслашадилар.

Лекин Ўзбекистонда номзодларнинг теледебатларини ташкиллаштириш урфга айланмаган.

Шавкат Мирзиёев 2016 йили муддатидан олдинги сайловда Ўзбекистон президенти этиб сайланган.

Сўнгги сайловда у 88,61 фоиз овоз билан ғалаба қозонган.

Ўша пайтда Ўзбекистоннинг амалдаги Бош вазири ҳам бўлган Шавкат Мирзиёевнинг илк сайловолди дастури ҳам ўзининг қанчалик кенг қамровли экани билан ажралиб турган.

Унда ҳатто фармацевтика соҳасини кўзда тутувчи режалари ҳақида сўз борган.

"Кучли давлатдан - кучли фуқаролик жамияти сари" концепциясини амалга ошириш устивор вазифа бўлиб қолиши таъкидланган.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek