Ҳозир қайси вакцина коронавирус барча штаммига бас келади? - Ўзбекистон ва дунё, Мирзиёев, O‘zbekiston, Mirziyoyev, dunyo, yangiliklar

Ўзбекистон ва дунё: Ҳозир қайси вакцина коронавирус барча штаммига бас келади - бу шу кунларда Ўзбекистондаги аксариятни ҳам қизиқтираётган савол бўлиши табиий. Президент Мирзиёевнинг ҳам яқинда "Европада чиққан янги штамм"дан хавотирда экани кўрилди. Олимлар эса, ўз жавобларини айтишди.

Афтидан, Moderna нинг Ковид вакцинаси вируснинг Британия ва Жанубий Африкада пайдо бўлган янги турига қарши ишлайди, дейди АҚШ фармацевтика компанияси олимлари.

Бошланғич лаборатория текширувлари Moderna вакцинаси вужудга келтирган антитаначалар вируснинг янги турларини таниши ва қарши курашишини кўрсатган.

Вакцина қабул қилган одамларда ҳам касалликка қаршиликни текшириш учун яна кўпроқ тадқиқотлар керак бўлади.

Янги турлар бир неча давлатда тарқалиб келяпти.

Улар бир неча ўзгаришга - мутацияга учраган бўлиб, пандемияни келтириб чиқарган илк вирусга нисбатан инсон ҳужайраларини осонроқ зарарлай олади.

Экспертларнинг айтишича, сентябрда пайдо бўлган Британия штамми 70 фоизгача юқувчанроқдир.

Ҳозирги вакциналар вируснинг аввалги турига мослаб яратилган эди.

Аммо олимларнинг ишонишича, жуда самарали бўлмаса ҳам, аммо улар янгиларига қарши ҳам ишлай олади.

Pfizer вакцинаси ҳам Британия турига қарши ишлашини тасдиқлаган бошланғич тадқиқотлар ўтказилган эди.

Жанубий Африка вируси учун кучайтирувчи учинчи доза режаланмоқда.

Moderna никини ўрганиш учун тадқиқотчилар ушбу вакцина билан белгиланганидек икки дозада эмланган саккиз одамнинг қонидан олинган намунани текширдилар.

Хулосаларнинг аниқлиги бошқа олимлар томонидан баҳоланганича йўқ, аммо улар вакцина уйғотган иммунитет вируснинг янги турини таниётганини кўрсатмоқда.

Тананинг иммун тизими ишлаб чиқарадиган нейтраллаштирувчи антитаначалар вируснинг ҳужайраларга киришига қаршилик қилади.

Қон намуналарига янги тур вирус туширилганда уларда вирусни нейтралловчи етарлича антитанача борлиги аниқланди, аммо Жанубий Африка вирусига қаршилик у қадар кучли эмас.

Moderna компанияси билдиришича, бу Жанубий Африка турига қарши ҳимоя тезда йўқ бўлишини англатиши мумкин.

Британиядаги Уорик Тиббиёт мактабидан вирусолог профессор Лоренс Янгнинг айтишича, бу хавотирли ҳолат.

Moderna ҳозирда кучайтирувчи учинчи доза фойда бериши мумкин ё йўқлигини текширмоқда.

Бошқа олимлар каби компания ҳам янги тур вирус учун кучайтирувчи дозани қайта лойиҳалаш қанчалик наф беришини ўрганяпти.

Moderna нинг Бош ижроси директори Стефан Банселнинг айтишича, компания "вирус ўзгариб борар экан, чорасини аввалдан кўриб қўйиш кераклиги"га ишонади.

Британия расмийлари Moderna вакцинасини аллақачон маъқуллаган, аммо аввалдан буюртма берилган 17 миллион доза баҳоргача келмайди.

Бу вакцина Британияда қўллана бошлаган Pfizer вакцинасига ўхшайди.

Британияда ҳозиргача 6.3 миллион одам Pfizer ёки AstraZeneca вакциналарининг биринчи дозасини олди.

Яқинда Ўзбекистон Pfizer вакцинасини олаётганини маълум қилган биринчи Марказий Осиё давлати бўлган.

Расмий хабарларга кўра, Ўзбекистонга 100 минг доза Пфизер-БионТеч вакцинаси олиб келиниши айтилган.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek