Ўзбекистон: журналистлар нега матбуот эркинлиги яна чекланаяпти деган хавотирда?

3 декабрь куни Тошкентдаги нуфузли меҳмонхоналардан бирида ўтган сўз эркинлиги ва матбуот ривожланишига оид масалалар юзасидан давра суҳбати унда қатнашган баъзи журналистларнинг норозилигига сабаб бўлди.

Уларнинг айтишларича, журналистлар юз тутаётган ва оммавий ахборот воситалари майдонида мавжуд муаммолар муҳокама қилиниши ўрнига тадбирда сўзга чиққанлар тўрт йил ичида матбуот эркинлиги бобида эришилган ютуқларнигина гапиришди.

Иштирокчи журналистларнинг айтишларича, икки соатга мўлжалланган жонли эфирда сенаторлар, депутатлар, вазирлар нутқлар сўзлашди, аммо ниҳоят журналистларга сўз етганда, жонли эфир узиб қўйилди.

Телевизион эфир узиб қўйилишини тадбир ташкилотчиси телевидениеда ажратилган вақт чеклови билан изоҳлаган, аммо журналистлар аслида уларнинг сўзлари теле-экранларга чиқишига тўсиқ қўйилганини даъво қилишди.

Мазкур зиддият Ўзбекистон Ахборот ва оммавий коммуникациялар агентлиги (АОКА) директори Асадбек Ходжаевнинг бироз аввал қатор хабар сайтларига йўллаган огоҳлантириш хати билан боғлиқ можаро манзарасида юз берди.

АОКА Kun.uz, Gazeta.uz, Podrobno.uz ва бошқа сайтларни коронавирусга боғлиқ асл ҳолат, ҳамда газ ва электр тақчиллиги борасидаги мақолалар чоп қилиши ортидан огоҳлантирганди.

Хўш, Ўзбекистонда матбуот эркинлиги яна чекланмоқдами? Давлат раҳбариятининг матбуот эркинлиги борасидаги баёнотлари қанчалар самимий? Ибрат Сафо Kun.uz журналисти Толиб Раҳматов ва мустақил журналист-блогер Зафарбек Солижоновларни суҳбатга чорлади.

Ўзбекистон: Йирик нашрлар Президент администрацияси ҳузуридаги АОКА босим ўтказаётганини айтмоқда - видео

Бош прокуратура kun.uz журналистларига бўлган ҳужумни ўз назоратига олди

Файзбоғ асосчиси - Ўзбекистон ичида ДХХ блог админларимизни сўроқ қиляпти

Ўзбекистон: Журналист ҳибсда, Тошкент Лондондаги матбуот эркинлиги анжуманига ҳайъат юборади

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek