Молдова: Россияпараст парламент тарқатилсин, ҳукумат кетсин - Молдова, Россия, Путин, дунё, yangiliklar
Сурат манбаси, Reuters
Молдова: Россияпараст парламент тарқатилсин, ҳукумат кетсин - яқинда Россия ҳарбийларининг чиқиб кетишини талаб қилган янги президент тарафдорлари оммавий намойишга чиқишди.
Ўн минглаб одам кеча, якшанба куни пойтахт Кишинёвдаги Буюк Миллий Мажлис майдонига йиғилди.
Мамлакатнинг янги сайланган президенти тарафдорлари парламентнинг зудлик билан тарқатилиши, муддатидан илгари парламент сайлови чақирилиши ва ҳукуматнинг истеъфосини талаб қилишди.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост, 1
3 декабрь куни Молдова парламенти Ахборот ва хавфсизлик хизматини президент назоратидан чиқарган, бир маънода унинг ваколатини чеклашга қарор қилган.
Бунинг ортидан, Майя Санду ўз тарафдорларини оммавий намойишларга даъват этиб чиққанди.
Молдова Путин қарши бўлган номзодни президент этиб сайлади - BBC O'zbekiston Yangiliklar Moldova
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост, 2
Сўнгги президент сайловидаги ғалабасига қадар Майя Санду Молдова Бош вазири бўлиб ишлаган.
Европа Иттифоқи билан янада яқинлашиш тарафдори бўлган сиёсатчи сайловда москвапараст номзод, мамлакатнинг амалдаги президенти Игорь Додонни мағлуб этишга муваффақ бўлган.
"Игорь Додон ўз мағлубиятини тан олишни истамаётир. У ҳозир мамлакатга ўт қўйиш, тартибсизликларни келтириб чиқариш, Молдовани дунёдан иҳоталашни хоҳламоқда! Бунинг учун у парламентда ўғри ва коррупционерларни ишга солади", - дея баён қилган Санду.
Майя Санду 24 декабрь куни Молдованинг янги президенти сифатида иш бошлаши керак.
Аммо унинг Додонга мойил парламент билан ишлашига тўғри келади.
Парламент ўтган ҳафта пайшанба куни фавқулодда йиғилган, президент ваколатларини чеклайдиган қатор қонунларни маъқуллаган.
Хусусан, Ахборот ва хавфсизлик хизматини президент назоратидан чиқарган.
Бундан ташқари, парламент Россия телеканалларининг трансляциясини чеклаш тўғрисидаги тақиқни бекор қилган ва рус тилига махсус мақомини ҳам қайтарганди.
Сурат манбаси, EPA
Оммавий норозилик акцияси иштирокчиларига кўра, "парламент қонунийлигини буткул йўқотган ва ортиқ Молдова фуқаролари манфаатларини намоён этмайди".
Сандунинг "Ҳаракат ва бирдамлик" партияси раиси муовини Игорь Гросу Додон ва молдовалик қувғиндаги тадбиркор Илан Шорни ғалабани ўғирламоқчи бўлганликда айблади.
Ташкилотчиларининг айтишларича, якшанба кунги оммавий намойишда 50 мингдан ортиқ одам иштирок этган.
Хабарларга кўра, ҳатто шунда ҳам кўпчилик унда қатнаша олмаган, полиция пойтахтга элтувчи йўлларни ёпиб қўйган.
Оқибатда юзлаб фермерлар Кишинёв сарҳадларида йиғилишган, ҳукуматнинг келаси йил бюджетида қўшимча қимйат солиғини ошириш режасига ўз норозиликларини билдиришган.
Худди шу манзарада Беларусдаги анъанавий якшанба кунги оммавий намойишлар эса, 300 дан ортиқ кишининг ҳибсга oлиниши билан якун топган.
Улар Беларуснинг 26 йиллик президенти Александр Лукашенко истеъфоси ва 9 август кунги зиддиятли президент сайлови натижасини бекор қилишни талаб қилишмоқда.
Мамлакат куч тизимлари намойишларни шафқатсизлик билан бостириш ҳаракатида.
Сурат манбаси, EPA
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
