 | | | | | | | ||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||
|
Дунё менинг нигоҳимда | |||||||||||||||||||||||||||||||||||||||||||||||||||||||||||||||||||||||||
Дунё мудом ҳаракатда. Унда кечаётган ҳар қандай ўзгариш, ҳар қандай янгиланишларнинг инсоният тақдирида, инсонлар тақдирида изсиз кечмаслиги аниқ. Бугун дунёнинг қайсидир бир бурчагида кимдир қуролли низолар, яна қай бир қиррасида табиий офатлар, бошқа бир бурчида эса, ижтимоий-иқтисодий беқарорликлар гирдобида. Кимлардир иқтисодий фаровонликдан баҳраманд бўлса, яна бирлари қашшоқлик азобидан азиятда...Дунёнинг қай бир қисмида бўлманг, сизнинг ҳаётингиз қандай кечмоқда? BBCUzbek.com нинг янги лойиҳаси қаҳрамонлари бугунги кун ҳаётини яшаётган ана шундай инсонлардир.
Исроил армияси Ғазо бўлгасидаги ҳарбий амалиётларини янада кучайтирган. Фаластинликларнинг ҳисоб-китобларига кўра, Исроил томонининг ҳужумларида шу пайтга қадар мингдан ортиқ киши қурбон бўлган, тўрт мингдан ортиқроғи яраланган. Ғазо шаҳридаги минора ичкарисида муайян муддат Исроил танкларининг қуршови остида қолган мухбиримиз Рушдий Абу Алуф ўз кўрган-кечирганларини мана бундай тасвирлайди: Исроил танклари бизни ўраб олганди "Ўтган тунда маҳаллий вақт билан кечки соат 10 лар атрофида Исроил танклари ва аскарлари Ғазо шаҳри жануби-ғарбидаги аҳоли ўта зич яшовчи Тел ал-Ҳава мавзеига томон ҳаракатлана бошлашди. Жума куни тонгда улар ҳудудни қуршаб олишди. Ҳозир жангарилар ва Исроил армияси орасида қақшатқич жанглар кечмоқда. Биз уйимиз айвончасидан туриб, жангариларнинг чопиб юрганликлари ва қандай қилиб ракета отаётганликларини ўз кўзимиз билан кўриб турибмиз. Исроил танклари эса, минглаб оилалар яшаётган аҳоли манзилларини ўққа тутишмоқда. Кишилар азоб ичида қолишган. Улар уйларининг айвончаларидан туриб, ёрдам сўраб, илтижо қилишаётир. Улар кимдир ўзларини бу ердан олиб кетишларини сўраб, зорланишмоқда. Минора ичида Мен 5-6 тача оила билан бирга бир миноранинг ичида қамалиб қолганман. Атрофимизни Исроил танклари ўраб олган. Исроил танклари биз бошпана топган минорани икки-уч бор ўққа тутишди. Бахтимизга ҳеч кимга зиён етмади. Бинода чироқлар ишламайди. Биз турган мавзеъда электр токи узилиб қолганига ҳам 14 соат бўлди. "Ҳамас" Миср томонининг ташаббусини қабул қилганини билдириши ортидан айрим ғазоликларда қандайдир умид пайдо бўлганди. Бироқ кейин улар яна айтган сўзларидан қайтиб қолишди ва бунинг ортидан Исроил танклари ҳам жонланиб қолди. Биз бошпана топган ер ташаббуслару дипломатиядан жуда-жуда йироқ. Ташқаридаги одамлар оч-наҳор, улар кечаётган урушнинг якун топишини исташади. Ғазоликлар кимнидир мазкур можарога аралашиб, жангларга барҳам беришига даъват этишмоқда." Давоми бор. | ||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||
Британиянинг Лийдс шаҳридан бўлган 61 ёшли Мери Анн Дейнинг Исо мавлуди айёми ва Янги йил арафасидаги ўй-ташвишлари билан танишиш учун бу ерга босинг.
