Бунёд Бек

	Афанди: 'бу ерда тушгача ҳам, тушдан кейин ҳам алдашади'

Латифа айтишни ёмон кўраман, лекин бу мавзу ҳақида гапиришдан аввал эски бир латифани яна бир бор қайтармасам бўлмайди.

Афанди ўғлини илк марта шаҳарга обкелибди. Одамнинг гавжумлигини кўрган ўғил Афандидан “шаҳарда одам шунча кўп бўлса, уларнинг тирикчилиги қандай ўтади”, дея сўрабди.

“Улар тушгача сен билан менга ўхшаган қишлоқликларни алдаб, тушдан кейин бир-бирларини алдаб кун кўради,” дебди Афанди.

Биринчи июлдан маошлар 20 фоизга оширилиши ҳақида фармон чиққандан кейин мустақил журналистлар бозорларда ва дўконларда ҳам нарх ошгани ҳақида ёзишди. Давлат нашрлари эса буни дарҳол рад этиб, нархларда ҳеч қандай ўзгаришлар бўлмаганини таъкидлашди. Лекин кўчага чиқсангиз, бензин ва йўлкиралар ҳам ошган, қолган товарлар ҳам шундан келиб чиқиб…

Июнь ойида бир мустақил интернет манба тонгда Ўзбекистонга Россияда ўтмай қолган бир неча вагон гуржи “Боржоми”си келтирилгани ҳақида хабар ёзганди. Тушдан сўнг "Ўзбекистон темир йўллари"нинг расмий вакили ҳукумат веб-сайтида бу ғирт ёлғон хабарлиги, ҳеч қандай "Боржоми" вагонлари Ўзбекистонга келмагани ҳақида ёзди. Кечқурун "Пахтакор" савдо растасидаги “Selna” супермаркетига кирган каминаи қулингиз эса пештахталарда қатор терилган “боржоми” шишаларини кўриб пинагини ҳам бузгани йўқ.

Америка ёлғон ишлатиб Ироққа уруш очди ва мана, Ироқ халқи бошига қанча кулфат солди? Бизнинг ёлғондан эса зиён йўқ Ўзбек зиёлиларидан бири

Худди шу тарзда 16 июль куни камина “Ўзбекнаво” бирлашмасининг “Ҳуррият” ҳафталигига йўллаган хати ҳақидаги хабарни ўқиб ўтирганди. Хабарда айтилишича, “Ўзбекнаво” июль ойи бошида “Ҳуррият” замонавий рэпперларнинг репертуарини тўғри танқид қилгани ва ҳозирда номи тилга олинган хонандаларнинг қўшиқларини радио ва телеканалларда бериш тўхтатилганини маълум қилган. Буни қарангки, ўша пайтда эса хусусий телеканаллардан бирида мақолада танқид қилинган гуруҳлардан бири “Божалар”нинг клипи кўрсатилмоқда эди. “Божалар” “музқаймоқ еб, кетидан тархун ичганмиз”дея куйламоқда эдики, бундан каминанинг сира ҳам пинаги бузилгани йўқ.

Худди шу алфозда ҳар куни дўкондан “мол гўштидан ҳалол колбаса” деб аксар ловия ва саримсоқпиёз, “тоза тоғ асали” дея қайнатилган шакар ва картошка қоришмасини, Туркия товари деб Қўқон ва Наманганда тикилган шим, кўйлак, Андижонда тайёрланган туфли сотиб олинганда ҳам на сотувчи ва на харидор киприк қоқади.

“Моҳият” рўзномасида бир муаллиф ўзи гувоҳ бўлган воқеа ҳақида ёзади. Туман ҳокими ёзги тўйлар мавсумида 15 ёш жуфтликка телекамералар қаршисида тантанали ҳолда гилам топширади. Аслида келин-куёвларга бир гилам қайта-қайта топширилиб, кейин у омборга қайтарилди, дейди муаллиф.

Энди булар маиший ёлғонлар, мафкуравийси эса ...Ёш йигит-қизларимиз минбарлар ва телеэкранларда эришилаётган ютуқлар ва ўзбекларнинг миллий ғурури ҳақида тинимсиз гапиришади, бошига тирикчилик ташвиши тушганлар эса ўзбекларнинг Россия ва Қозоғистон каби юртларда “қуллик шароитида” ишлаб юрганидан ҳикоя қилади.

“Бугун ростини айтган билан бирор нарса ўзгариб қолмайди, одамлар тушкунликка тушади, холос. Ёлғон билан эса ҳеч қурса кўнгилларни кўтариб, келажакка, ҳаётга муҳаббат уйғотиш мумкин,” деб қолди бир ўзбек зиёлиси шу ҳақда баҳслашганимизда.
“Америка ёлғон ишлатиб Ироққа уруш очди ва мана, Ироқ халқи бошига қанча кулфат солди? Бизнинг ёлғондан эса зиён йўқ,” дейди суҳбатдошим. Кундалик турмушда ҳамма бир-бирини алдаб туришини билади, лекин бундан бошқа чора йўқлигини билганингдан кейин, шу жараённинг ўзидан гашт олиб яшаш ҳам маҳорат, дея таъкидлайди у.

Ёпиғлик қозон ёпиғлигича қолгани яхшими?

Камбағалликми ва ёки фаровон ҳаётга ташналик?

Ризқ териш машаққати

Яна қачон сўкишамиз?

Пул дарахти

Фикру-мулоҳазаларингизни bbcuzbek.com га йўлланг!

Бизнинг электрон манзилимиз: [email protected] га мактуб жўнатишингиз ё-да саҳифанинг ўнг томонидаги махсус форма орқали фикрларингизни билдиришингиз мумкин.

None, U.A.E.

Agar jannatni koraman desang,(ideal davlatni) O'zbekistonni televidenie orqali ko'r. Agar do'zax nimaligini ko'rmoqchi bolsang, u yerga borib pul topib yashab kor. Albatta, bu majoziy ma'noda aytilgan gap. Lekin bu kinoyada naqadar jon borligini O'zbekistonda yashab tirikchilik qilayotgan odamlargina biladi.

Muhammad Ayyub Jahongir o'g'li, Tokiyo

Bu erda izohga hojat yo"q. Hadisda: Sollallohu alayhi vasallam: O'zingiz qandoq bo'lsangiz, boshlig'ingiz ham shunday bo'ladi deyilgan. VALLOHU ALAM. Halqimiz bir birini qachon aldashdan to'htasagina, tarozidan urishni, zulmni to'htatsagina Adolat vujudga kelishi mumkin. Mustaqillika Alloh etkazgandan so'ng halqimiz juda boyishni boshladi, ammo noshukurchilikklar, gunoh ishlar, buzuqchiliklar, fahsh ishlar avjiga olgandan so'ng ohiri shu bo'ladida. Buni Alloh o'z kalomida 14,15 asr oldin aytgan. Bu qiyomat alomatlaridir. Noshukurchilik qilmasdan boriga qanoat qilinsagina halqimiz bir-biri bilan itifoqdosh bo'lsagina Adolat bo'lishi mumkin.

Jumavoy, O'zbekiston

Masalan men ham beziyon yolg'ondan "kayf" olaman. Bitta yahshi misol, Qo'shma Shtatlar Afg'onistonni "okupatsiya"qilgan paytida Prezidentimiz TV1 ga chiqib "Biz Amerikalik hamkorlarimizga(?) Afg'onistonda insonparvarlik yordamini ko'rsatishlari, yana qaytarib aytaman "insonparvarlik maqsadlari uchun" bazamizni ochib bermoqdamiz" degan edilar. O'shanda bu harbiy bazani "insonparvarlik maqsadlarida" deb o'zbek halqini shirin yol'gon bilan siylaganlari afsus uzoqqa bormadi. Buni qaysidir "terrorist", yoki halq dushmani emas o'zlari "fosh" qib qo'ydilar. Andijon voqealaridan keyin elkadosh hamkorlari AQSh yoqimsiz gaplarni qilavergach, Prezidentimiz "bir umrlik hamkorimiz AQsh harbiy bazani ijarasini to'lamadi deb" baralla aytvordilar.

Nigora, Toshkent, O'zbekiston

Bilasizmi hozirgi ahvol xuddi Afandining pulni ko'zguda aksini ko'rsatib uni ol deganga o'xshamoqda. Qanday olish esa har kimning o'ziga havola bo'lib qolmoqda.

Bobur Isoyev, USA

Alber Kamyu shunday degan "Erkin matbuot yaxshi yoki yomon bo’lishi mumkin, lekin erkin bo’lmagan matbuot faqat yomon bo’ladi" Payg'ambarimiz Muhammad S.A.V yolg'on qaysi holatlarda gunoh hisoblanmasligi haqida shunday deganlar: 1. Urushda dushmanga yolg'on gapirish. 2.Arazlashib qolgan ikki do'stni yarashtirish uchun ishlatilgan yolg'on. 3.Oilani saqlab qolish uchun ayoliga gapirgan yolg'oni. 4.Kasal kishiga siz kundan-kunga yaxshisiz degan, unga xursandchilik berish uchun qilingan yolg'onlar gunoh hisoblanmasligini aytganlar. Bundan boshqasi koni ziyondir, agarada bu narsaga o'zimizni ishontirsak, ahvolimiz 5-10 yildan keyin hozirgidan 10 battar xarob bo'ladi...