Трамп: "Эрон намойишчини қатл қилса, жуда қатъий чора кўрамиз". Видео
Сурат манбаси, Reuters
АҚШ президенти Доналд Трамп агарда Эрон норозилик намойишларида қатнашганларни қатл қилса, бунга жавобан "ўта қатъий амал" қилиниши ҳақида огоҳлантирган.
Инсон Ҳақлари гуруҳлари ҳозирга қадар аксил-ҳукумат намойишларини бостириш ҳаракатлари натижасида 2400 инсон ўлдирилганини айтишмоқда.
Ўтган ҳафта ҳибсга олинган Эрфон Султоний яқинининг ББС Форс хизматига га айтишича, уни бугун, чоршанба куни қатл қилиш режаланган.
Eron hukumati o‘limlar uchun javob beradi"
Hengaw Инсон Ҳақлари ташкилоти вакилининг ББСга айтишича, бу қадар тезлик билан ўлим жазоси чиқарилиши ҳолатини ҳозиргача кузатмаган.
Султони яқини сўзларига кўра, маҳкама унга "ўта тез суръатда, 2 куннинг ичида ўлим жазоси ҳукмини чиқарган".
Hengaw ташкилотидан Анвар Шайхнинг айтишича, "Эрон ҳукумати одамларни бостириш ва қўрқув тарқатиш йўлида ўзи билган ҳамма чорадан фойдаланмоқда".
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Сурат манбаси, Hengaw Organization for Human Rights
АҚШ қандай чора кўриши мумкин?
Сешанба куни жаноб Тармп ўзининг Truth Social Ижтимоий Тармоғидаги постида "Эрон ҳукумати ўлимлар учун жавоб бериши" ни айтиб, одамларни " намойишларни давом эттиришга" чорлаган. "Ёрдам келмоқда, кутинг", дея хитоб қилган у намойишчиларга қарата.
АҚШ президенти ҳарбий амалиёт дохил бошқа турли чора эҳтимолларини кўриб чиқаётгани хабар берилмоқда.
У аллақачон Эрон билан савдо алоқаларига эга мамлакатлар учун 25 фоизлик тарифлар киритилишини эълон қилган.
Эрон ҳукумати ўз навбатида АҚШни "ҳарбий аралашув учун баҳона қидираётганликда" айблаган.
Сурат манбаси, EPA
Эрон Ташқи Ишлар вазири Аббос Ароқчи АҚШ президенти сўзларидан сўнг мамлакат "хорижий ва ёвуз кучлар" аралашувидан ўзини ҳимоя қилиши ҳақида айтган.
Жаноб Ароқчи ўзининг Telegram каналида Туркия, Бирлашган Араб Амирликлари ва Франция расмийлари билан телефон орқали мулоқот қилганини маълум қилган.
Бирлашган Араб Амирликлари Бош вазири ўринбосари ва Ташқи Ишлар вазири билан телефон суҳбатида жаноб Ароқчи Эрондаги беқарорликлар вазиятини муҳокама қилиб, "босиқлик устун келиши" ҳақида айтганлигини билдирган.
Ташқи Ишлар вазирлиги Telegram каналида айтилишича, суҳбат мобайнида "АҚШ расмийларининг Эрон ички ишларига аралашув, дея кўрилаётган иғвогарлик баёнотларига ишора қилиниб, Эрон халқининг ўз мустақиллигини хорижий ва ёвуз кучлардан ҳимоя қилишдаги қатъияти" борасида сўз юритилганлиги маълум қилинган.
Сурат манбаси, Reuters
Ҳозирга келиб норозилик чиқишлари Эрон бўйлаб 180 шаҳарга тарқалгани айтилмоқда.
Нархлар ошиши ва эрон валютасининг кескин қадрсизланишидан норозилик сифатида бошланган намойишлар тез орада сиёсий ўзгаришларни талаб қилаётган норозиликларга айланди.
Жорий намойишлар 1979 йилги Исломий Инқилобдан бери энг жиддий ва кенг кўламли чиқишлар сифатида кўрилмоқда.
Намойишлар ўтган пайшанба куни анчайин кучайди ва хавфсизлик кучлари томонидан бостирила бошлади. Интернет тизими ва бошқа алоқа воситалари ўчирилди.
Инсон Ҳақлари фаоллари янгилик агентлиги HRANA 18 мингдан зиёд инсон ҳибсга олинганини айтмоқда.
