قطر نے بھی ایران سے سفارتی تعلقات توڑ دیے
،تصویر کا ذریعہGetty AFP
مشرقِ وسطیٰ میں سعودی عرب کے ایک اور اتحادی ملک قطر نے بھی ایران سے سفارتی تعلقات توڑتے ہوئے اپنا سفیر واپس بلانے کا اعلان کر دیا ہے۔
ایران اور سعودی عرب کے تعلقات میں تازہ کشیدگی سعودی حکام کی جانب سے ممتاز شیعہ عالم شیخ نمر باقر النمر کو سزائے موت دیے جانے پر پیدا ہوئی ہے۔
<link type="page"><caption> ایران و سعودی عرب ’خطرناک ترین موڑ‘ پر</caption><url href="http://www.bbc.com/urdu/world/2016/01/160104_saudi_iranian_tension_sq.shtml" platform="highweb"/></link>
<link type="page"><caption> سعودی اتحادیوں کا ایران کے خلاف سفارتی محاذ</caption><url href="http://www.bbc.com/urdu/regional/2016/01/160104_iran_saudi_diplomatic_rh.shtml" platform="highweb"/></link>
<link type="page"><caption> ایران اور سعودی عرب کو تحمل سے کام لینے کا مشورہ</caption><url href="http://www.bbc.com/urdu/world/2016/01/160106_john_kerry_iran_saudia_zs.shtml" platform="highweb"/></link>
اس سے قبل کویت، بحرین، سوڈان اور جبوتی ایران کے ساتھ اپنے سفارتی تعلقات ختم کرچکے ہیں۔
ادھر ایران نے بھی سعودی عرب سے اپنے سفارتکار واپس بلالیے ہیں۔
دوسری جانب ایران اور سعودی عرب کے درمیان جاری کشیدگی کو کم کرنے کے لیے عراق نے ثالثی کردار ادا کرنے کی پیشکش کی ہے۔
End of سب سے زیادہ پڑھی جانے والی
،تصویر کا ذریعہEPA
عراقی وزیرخارجہ ابراہیم جعفری کا کہنا ہے کہ اگر کشیدگی کو طول دیا جاتا رہا تو پورا خطہ اس سے متاثر ہو سکتا ہے۔
خیال رہے کہ عراق ایک شیعہ اکثریتی ملک ہے اور اس کی سرحدی ایران اور سعودی عرب دونوں کے ساتھ ملتی ہیں۔
بدھ کو عراقی وزیرخارجہ نے تہران میں اپنے ایرانی ہم منصب محمد جواد ظریف سے ملاقات کی۔
ملاقات کے بعد مشترکہ پریس کانفرنس کرتے ہوئے ابراہیم جعفری نے شیعہ عالم شیخ نمر النمر کی سزائے موت کو ’جرم‘ قرار دیا تاہم ان کا کہنا تھا کہ اس کے باوجود عراق ’ایران اور سعودی عرب کے درمیان تکلیف دہ کشیدگی کم کرنے‘ میں مدد کر سکتا ہے۔
عراقی وزیر خارجہ کا کہنا تھا: ’ہم ابتدائی لمحات ہی سے کشیدگی کم کرنے کے لیے متحرک ہیں، تاکہ کسی ایسے سانحے سے بچا جا سکے جس سے پورا خطہ متاثر ہوسکتا ہے۔‘
،تصویر کا ذریعہAFP
خیال رہے کہ عراق کی شیعہ قیادت نے ملک کے شمالی اور مغربی علاقوں پر قابض شدت پسند تنظیم دولت اسلامیہ سے نبردآزما ہونے کے لیے ایران کی مدد پر انحصار کیا ہوا ہے۔
تاہم وہ سعودی عرب کے ساتھ بھی بہتر تعلقات کے خواہاں ہیں جبکہ گذشتہ ہفتے سعودی عرب نے 25 سال کے بعد بغداد میں اپنا بھیجا گیا ہے۔
خیال رہے کہ سعودی عرب کے مغربی صوبے قطیف میں شیعہ عالم شیخ نمر النمر اور تین شیعہ افراد کو دہشت گردی کے الزام میں سزائے موت دی گئی تھی جبکہ القاعدہ سے تعلق رکھنے والے 43 سنی جنگجوؤں کو بھی موت کی سزا دی گئی تھی۔
