مانٹریال میٹرو سٹیشن جدید فن تعمیر کا نمونہ

گذشتہ ہفتے سنہ 1980 کی دہائي میں نیویارک کے سب وے (زیر زمین) نظام کو پیش کیا گیا تھا جس میں ہر ایک پر کچھ نہ کچھ ثبت تھا اور ہر کوئی فن کا نمونہ تھا اور آج پیش ہے مانٹریال کا میٹرو نظام۔

یہ جدید ترین صورت ہے جس میں ہائی ٹیک، چمچماتے دھاتوں سے تیار سٹیشن ہیں اور ہر ایک فن تعمیر کا جیتا جاگتا نمونہ ہے۔

یہ کینیڈا کے فن تعمیر کے فوٹر گرافر کرس فورستھ کے فن کا نمونہ ہے جنھوں نے اپنی ان تصاویر کو انسٹا گرام پر شیئر کیا ہے اور یہ بتانے کی کوشش کی ہے کہ ہمارے ارد گرد کتنے خوبصورت ڈیزائن ہیں۔

انھوں نے کہا: ’کسی بھی تصویر میں ہم جامد اور متحرک منظروں کا تضاد دیکھنا چاہتے ہیں۔‘

’ہمیں میٹرو نظام کے فن تعمیر اس لیے پرکشش لگتے ہیں کیونکہ ان میں تنوع ہے اور ہر سٹیشن مختلف ہے۔ مجھے رنگوں، فن تعمیر کے سٹائل اور اثرات سے محبت ہے اور ان سب سے زیادہ پرکشش اس کی نمایاں گرافک صورت ہے۔‘

مانٹریال میں رہنے کی وجہ سے فورستھ کو اس کام میں آسانی ہوئی۔ ایک طرح سے آپ کہہ سکتے ہیں کہ جدیدیت سے متاثر فن تعمیر کے نمونے کے شہر میں رہے جہاں ہر ایک سٹیشن فن کا نمونہ ہے اور ہرایک کو مختلف ماہر فن تعمیر نے ڈیزائن کیا ہے اور اب یہ تقریبا 50 سال کی ہو چکی ہیں۔

فورستھ نے اس میں طویل ایکسپوزر کا استعمال کیا ہے تاکہ حرکت کو دھندلا کیا جاسکے اور تصویر لیتے وقت وہاں سے گزرنے والے افراد کا نشان ختم کیا جاسکے۔

بعض اوقات انھوں نے کئی فریم کو ملا دیا ہے تاکہ ایک تصویر بغیر کسی زندگی کے بن سکے۔ انھوں نے بتایا کہ تصویر سے لوگوں کو ہٹانے کے پیچھے اپنی ہی توجیہ ہے۔

’پہلی بات یہ کہ جب وہاں بہت سارے لوگ ہوں تو توجہ فن تعمیر سے ہٹ جاتی ہے۔ اس کے علاوہ کیوبک میں لوگوں کی تصویر بغیر ان کی مرضی کے لینا ممنوع ہے اس لیے یہ ضرور مسائل پیدا کرسکتا ہے۔‘

’میٹرو میں تصویر لینے کے دوران میں کسی قسم کے رخنے سے بچنا چاہتا ہوں۔‘

اس لیے یہ فنی اور قانونی دونوں اعتبار سے اہم ہے۔ وجہ خواہ کچھ بھی ہو اس کی وجہ سے چند خوبصورت تصاویر معرض وجود میں آ گئی ہیں۔

آپ فورستھ کی میٹرو کی تصاویر کو mtlmetroproject# ہیش ٹیک پر دیکھ سکتے ہیں۔