جرمنی کے مختلف شہروں میں ریلیاں، ہزاروں کی شرکت
،تصویر کا ذریعہAP
جرمنی کے مختلف شہروں میں ’مغرب کی اسلامائزیشن‘ کے خلاف اسلام مخالف یورپی تنظیم ’پیگیڈا‘ اور اس تنظیم کے مخالفین نے ریلیاں نکالیں۔
اس ریلی کا انتظام اسلام مخالف یورپی تنظیم ’پیگیڈا‘ (پیٹریاٹک یورپیئنز اگینسٹ اسلامائزیشن) نے کیا تھا جو اکتوبر سے ہر ہفتے ریلی نکالتی ہے۔
حکام کے مطابق ڈریسڈن میں اسلام مخالف یورپی تنظیم ’پیگیڈا‘ نے 18 ہزار افراد پر مشتمل ایک ریلی نکالی۔
اسی طرح برلن، کولون اور سٹٹگرٹ میں بھی ریلیاں نکالی گئیں۔
برلن پولیس کے مطابق برلن میں پنچ ہزار افراد پر مشتمل ریلی نے اسلام مخالف یورپی تنظیم ’پیگیڈا‘ کی ریلی کا راستہ روکا۔
سٹٹگرٹ، اور دیگر شہروں میں 22 ہزار افراد نے اسلام مخالف یورپی تنظیم ’پیگیڈا‘ کے خلاف ریلیاں نکالیں۔
اسلام مخالف یورپی تنظیم ’پیگیڈا‘ (پیٹریاٹک یورپیئنز اگینسٹ اسلامائزیشن) کا دعویٰ ہے کہ جرمنی پر ایک لحاظ سے مسلمانوں اور دیگر تارکینِ وطن سے قبضہ کر لیا ہے۔
’پیگیڈا‘ نے اس قسم کے جلسے جلوسوں کا آغاز رواں برس اکتوبر سے کیا تھا اور ڈریسڈن کی ریلی اس سلسلے کی دسویں اور اب تک کی سب سے بڑی ریلی تھی۔
End of سب سے زیادہ پڑھی جانے والی
خیال رہے کہ جرمنی میں اس سال پناہ گزینوں کی تعداد میں دیگر یورپی ممالک کے مقابلے میں خاصا اضافہ ہوا ہے اور اس کی وجہ شامی پناہ گزینوں کی جرمنی آمد کو قرار دیا جاتا ہے۔
سنہ 2014 میں دو لاکھ افراد نے جرمنی میں پناہ کی درخواستیں دیں جبکہ 2013 میں یہ تعداد ایک لاکھ 27 ہزار تھی۔
