مائیک ٹائسن: سابق ہیوی ویٹ باکسر نے جہاز میں ’بوتل پھینکنے والے‘ ساتھی مسافر پر مُکے برسا دیے
،تصویر کا ذریعہGetty Images
مائیک ٹائسن کے ترجمان کا کہنا ہے کہ سابق امریکی ہیوی ویٹ باکسر نے جہاز کی اُڑان سے قبل ایک ساتھی مسافر پر اس وقت مُکے برسائے جب اس نے ان پر ’پانی کی بوتل پھینکی‘ تھی۔
جہاز میں بنائی گئی ویڈیو میں دیکھا جاسکتا ہے کہ مائیک ٹائسن اس مسافر کی سیٹ پر جا کر اسے کئی مُکے رسید کرتے ہیں۔ اس شخص کی شناخت تاحال نہیں ہوسکی۔
مائیک ٹائسن کے ترجمان نے اس واقعے کی تصدیق کرتے ہوئے کہا کہ یہ واقعہ اس اشتعال دلانے والے مسافر کی وجہ سے پیش آیا جو انھیں پریشان کر رہا تھا۔
اس واقعے کے بعد پولیس کو بلایا گیا جس نے عارضی طور پر دو افراد کو حراست میں لے لیا۔
ان میں سے ایک شخص کو معمولی چوٹیں آئیں جس پر انھیں سان فرانسسکو انٹرنیشنل ایئرپورٹ پر طبی امداد دی گئی۔
سان فرانسسکو پولیس ڈپارٹمنٹ نے ایک بیان میں کہا ہے کہ ’اس شخص نے واقعے سے متعلق بہت کم معلومات دیں اور پولیس کی تفتیش میں مزید معاونت کرنے سے انکار کر دیا ہے۔‘
دونوں افراد کو ’مزید تحقیقات تک‘ رہا کر دیا گیا ہے۔ پولیس نے واقعے میں ملوث ان دونوں افراد کی شناخت ظاہر نہیں کی ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
یہ واقعہ بدھ کی شب جیٹ بلو کی پرواز پر ہوا جس نے سان فرانسسکو سے فلوریڈا کی جانب اُڑان بھرنا تھی۔
End of سب سے زیادہ پڑھی جانے والی
ٹی ایم زی کی جانب سے شائع کردہ ویڈیو میں لڑائی کی وجہ اور پانی کی بوتل پھینکنے کے مناظر نہیں دیکھے جاسکتے۔
ٹی ایم زی کے مطابق مائیک ٹائسن نے سفر کے آغاز پر اسی مسافر کے ساتھ تصویر بنوانے کی حامی بھری تھی۔ ’لیکن یہ شخص ٹائسن کو مسلسل پریشان کر رہا تھا۔ ٹائسن نے بارہا تحمل سے رہنے کی درخواست کی تھی۔‘
ویڈیو میں دیکھا جاسکتا ہے کہ مائیک ٹائسن اس ساتھی مسافر کو مُکوں سے مار رہے ہیں۔ ایک دوسرے شخص کو یہ کہتے سنا جاسکتا ہے ’ہے مائیک، مائیک۔‘ بظاہر وہ انھیں روکنے کی کوشش کر رہا ہے اور ایک دوسرا شخص مائیک ٹائسن کو دور دھکیلنے کی کوشش کرتا ہے۔
پھر ان مناظر میں دیکھا جاسکتا ہے کہ اس مسافر کے سر سے خون نکل رہا ہے۔
سان فرانسسکو پولیس ڈپارٹمنٹ نے کہا ہے کہ وہ ’اس ویڈیو سے باخبر ہیں جو ممکنہ طور پر اس واقعے کی ہے۔‘ اس ویڈیو کو سان میٹیو کے شیرف کے دفتر میں بھی بھیجا گیا کیونکہ یہ ان کی تحقیقات کا دائرہ کار ہے۔
یہ بھی پڑھیے
،تصویر کا ذریعہGetty Images
باکسر مائیک ٹائسن ماضی میں بھی رنگ کے اندر اور باہر اپنے جارحانہ راویے کی وجہ سے نظروں میں آچکے ہیں۔
سنہ 1992 میں ان پر ریپ کا الزام ثابت ہوا اور انھوں نے تین سال جیل میں گزارے۔ 1997 میں انھیں ایک باکسنگ میچ کے دوران حریف کے کان کو چبانے پر ڈس کوالیفائی کر دیا گیا۔
سال 1998 کے دوران میریلینڈ میں ٹریفک کے حادثے کے بعد ان کے ساتھ ایک بدتمیزی کا واقعہ ہوا تھا۔
فروری 2021 سے لے کر اب تک امریکہ کی پروازوں میں سات ہزار سے زیادہ بدمزگی کے واقعات ہوئے ہیں۔ تاہم فیڈرل سیول ایوی ایشن کے مطابق ان میں سے 70 فیصد واقعات چہرے کے ماسک کے اصول سے متعلق ہوئے۔
