آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
ولادیمیر پوتن: 20 سال 20 تصویریں
ولادیمیر پوتن کو صدر اور وزیرِ اعظم کی حیثیت سے اپنے ملک کی قیادت کرتے ہوئے 20 سال پورے ہونے والے ہیں۔اس دوران وہ خطے کے سیاسی بحرانوں کا حصہ رہے۔
بل کلنٹن وائٹ ہاؤس میں تھے جب کے جی بی کے سابق ایجنٹ پہلی بار 31 دسمبر 1999 کو روس کے صدر بنے۔ اس کے بعد 20 برس میں امریکہ میں تین صدور آئے جبکہ پانچ برطانوی وزرائے اعظم آئے۔
عالمی تنازعات سے مقامی سکینڈلز پھر کھیلوں کی دنیا میں فتوحات سے پروپیگینڈا فوٹوز تک، ہم تصاویر میں دیکھیں گے کہ پوتن کے اقتدار کی دو دہائیاں کیسی گزریں۔
کے جی بی کے سابق افسر کا بطور وزیراعظم تقرر ہو چکا تھا جب روس نے اکتوبر 1999 میں رہائشی عمارت پر سلسلہ والے جان لیوا حملوں کے بعد چیچنیا کے خلاف دوسری جنگ کا آغاز کیا۔
ان کی صدارت کے آغاز میں ہی روس نے مزاحمت سے بھرپور اپنے جنوب میں اس ملک کا محاصرہ کیا۔ روسی فوج نے چیچنیا کے دارالحکومت گروزنی کا محاصرہ کر لیا۔ سنہ 2003 میں اقوامِ متحدہ نے گروزنی کو اس محاصرے کے باعث کرہ ارض پر سب سے تباہ شدہ شہر قرار دیا۔
یہ بھی پڑھیے
End of سب سے زیادہ پڑھی جانے والی
کئی برسوں تک روس پر عسکریت پسندوں کے حملے ہوتے رہے جیسے کہ سنہ 2004 میں بیسلان سکول کے محاصرے میں 330 لوگ مارے گئے جن میں اکثریت بچوں کی تھی۔
صدر پوتن نے چیچنیا میں جنگی مشن کو سرکاری طور پر سنہ 2009 تک ختم نہیں کیا تھا۔
پوتن نے مارچ سنہ 2000 میں ہونے والے صدارتی انتخابات میں کامیاب ہو کر دفتر سنبھالا اور چند ہی ماہ میں انھیں اپنی ساکھ سے متعلق بحران کا سامنا تھا۔
دی کرسک نامی آبدوز کے حادثے میں عملے کے 118 ارکان مارے گئے۔
جب اگست 2000 میں کرسک ڈوبی تو صدر بحیرہ اسود پر چھٹیاں منانے گئے تھے اور وہ فوری طور پر واپس نہیں لوٹے۔ کرسک حادثے میں ہلاک ہونے والوں کے رشتہ داروں کو اطلاع دینے میں کئی دن لگا دیے گئے۔
اپنے اقتدار کی پہلے دہائی کے دوران ولادیمیر پوتن کے مغربی رہنماؤں کے ساتھ اچھے تعلقات تھے باوجود اس کے کہ وہ ان کی خارجہ پالیسیوں پر تنقید کیا کرتے تھے۔
روس نے پہلی بار جی ایٹ اجلاس کی میزبانی سنہ 2006 میں کی اور اس اقتصادی گروہ میں اپنی رکنیت کی توثیق کر دی۔
روسی آئین کے مطابق صدر پوتن تیسری مرتبہ صدر نہیں بن سکتے تھے اس لیے سنہ 2008 میں وہ چار سال کے لیے ملک کے وزیرِ اعظم بن گئے۔
اس وقت صدر دمتری مدودیو بنے اور کچھ لوگ انھیں صرف ایک کٹھ پتلی صدر کے طور پر دیکھتے تھے جو اپنے باس کا ساتھ دے رہے تھے۔
سنہ 2008 مںی جب جارجیا نے خود سے الگ ہو جانے والے علاقے جنوبی اوسیٹیا پر قبضہ حاصل کرنے کے لیے فوجیں بھیجیں تو جواباً روس نے جارجیا پر حملہ کر کے بہت اندر تک پیش قدمی کر لی۔
اگست میں ہونے والی یہ مختصر جنگ مغربی دنیا کے لیے خطرے کی گھنٹی تھی لیکن 2014 میں مشرقی یوکرین میں دخل اندازی وہ معاملہ تھا جس کی وجہ سے پوتن اور مغربی رہنماؤں کے تعلقات کھٹائی میں پڑے۔
یوکرین کے خطے کرائمیا میں روس کی فوجی کارروائی اور پھر اپنے ساتھ الحاق کروانا یورپی یونین اور امریکہ کی جانب سے پابندیوں کی وجہ بنا اور جی ایٹ ممالک سے اس کی رکنیت معطل کر دی گئی۔
شام کی چار سالہ خانہ جنگی کے بعد روس نے اپنی اتحادی شامی صدر بشارالاسد کی حکومت کو گرنے سے بچانے کے لیے دخل اندازی کی۔ صدر پوتن کی جانب سے شام کے لیے جنگی جہاز اور اسلحہ بھیجنے کی وجہ سے وہاں طاقت کا توازن بدل گیا۔
سنہ 2016 کے امریکی انتخابات میں ڈونلڈ ٹرمپ کی کامیابی کے بعد امریکی انٹیلیجنس سروسز کا کہنا تھا کہ روس نے امریکی صدارتی مہم میں دخل اندازی کی تھی۔
سنہ 2018 میں برطانیہ نے روس پر الزام عائد کیا کہ اس نے اپنی سابق جاسوس سرگئے سکرپل کو سیلزبری کے علاقے میں زہر دیا۔
اقتدار میں رہتے ہوئے وہ اپنی اور روس کی ساکھ کو کنٹرول کرنے کی کوشش کرتے رہے ہیں۔ ان برسوں میں ان کی جانب سے جاری کی گئی کئی تصاویر میں یہ دکھانے کی کوشش کی گئی کہ وہ ایک مضبوط شخص ہیں۔
انھوں نے کھیلوں کی حوالے سے روس کی شناخت کو بہتر بنایا اور سنہ 2014 میں سرمائی اولپمکس اور سنہ 2018 میں ورلڈ کپ کی میزبانی کی۔
سوچی اولمپکس کامیاب رہے تاہم ڈوپنگ سکینڈل کی گونج یہاں بھی سنائی دیتی رہی۔
انسداد منشیات ایجنسی نے گذشتہ ہفتے ہی روس پر کھیلوں کے تمام بڑے ایونٹس میں شرکت کرنے پر چار سال کی پابندی عائد کر دی ہے۔ سنہ 2015 میں آنے والی ایک رپورٹ کے مطابق روس نے سرکاری طور پر ایتھلیٹس کے ڈوپنگ پروگرام کی سرپرستی کی تھی۔ رواں ماہ یہ بات سامنے آئی تھی کہ جنوری میں فراہم کیے گئے لیبارٹری ڈیٹا کے ساتھ بھی چھیڑ چھاڑ کی گئی تھی۔
اگرچہ سنہ 2018 کا فیفا ورلڈ کپ ایک بین الاقوامی طور پر ایک کامیابی تھی تاہم ڈوپنگ سکینڈل کا مطلب ہے کہ روس سنہ 2022 میں قطر میں ہونے والے مقابلے میں شرکت نہیں کرسکے گا۔
تمام تصاویر کے حقوق محفوظ ہیں۔
