جاپان: یہ نیم برہنہ مرد کیا ڈھونڈ رہے ہیں؟
،تصویر کا ذریعہGetty Images
ایک قدیم جاپانی تہوار میں حصہ لینے والے ہزاروں نیم برہنہ مرد قسمت پانے کے لیے ہجوم میں پھینکی گئیں دو مقدس چھڑیاں تلاش کرتے ہیں۔
خیال کیا جاتا ہے کہ حالیہ دنوں میں اوکایاما کے کِن ریوزان سائدائجی بدھ مندر میں ہونے والی تقریب میں 10000 مردوں نے سفید لنگوٹی پہن کر حصہ لیا۔
ہجوم میں پھینکی جانے والی چھڑیوں کی تلاش میں نکلنے سے پہلے تقریب میں حصہ لینے والے مردوں نے خود کو پانی سے پاک کیا۔
شنجی کہلانے والی 20 سینٹی میٹر لمبی چھڑیوں کو ڈھونڈنے والے مردوں کو سال کے خوش قسمت ترین مرد تصور کیا جاتا ہے۔
،تصویر کا ذریعہGetty Images
جاپانی کلچر کے بارے میں مزید دلچسپ فیچرز
End of سب سے زیادہ پڑھی جانے والی
،تصویر کا ذریعہGetty Images
جاپانی تاریخ کے مُورو ماچی دور میں جڑیں رکھنے والے سائدائجی ایو تہوار کی 510 ویں سالگرہ منائی جا رہی ہے۔
تقریب کا آغاز ہزاروں مردوں کے دریائے یوشی کے ٹھنڈے پانی میں نہانے سے ہوا تاکہ شنجی کی تلاش سے پہلے جسم پاک کیا جا سکے۔
جسم پاک کرنے کے مرحلے کے بعد رات کے دس بجے تمام بتیاں بجھا دی گئیں۔
،تصویر کا ذریعہGetty Images
مندر کے پیشوا چار فٹ اونچی کھڑکی میں کھڑے ہوئے اور انھوں نے ہجوم میں دو شنجی چھڑیاں پھینکیں۔
ہجوم میں بڑے پیمانے پر دھکم پیل ہوئی اور اگلے دو گھنٹے تک چھڑیوں کی تلاش میں مرد ایک دوسرے کو دھکیلتے رہے۔
چھڑیاں تلاش کر لینے والے دو مردوں کو خوش قسمت ترین مرد ہونے کا اعزاز ملا۔
،تصویر کا ذریعہGetty Images
سائدائجی ایو سب سے اہم جاپانی روایتی تہواروں میں سے ایک ہے۔
شنجی کی طرف سے لائی گئی قسمت کے علاوہ یہ زرخیزی کا تہوار ہے جو پورے سال کے لیے اچھی فصل کا باعث بنتا ہے۔
،تصویر کا ذریعہGetty Images
یہ بھی پڑھیے
،تصویر کا ذریعہGetty Images
یہ تہوار نئے قمری سال کی شروعات کے آس پاس ہی منایا جاتا ہے۔
ہزاروں لوگ مندر جا کر لالٹینیں جلاتے ہیں اور شنجی حاصل کرنے لے لیے مردوں کے درمیان مقابلے سے محظوظ ہوتے ہیں۔
