آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
برطانوی سمندروں کے بہترین مناظر
سینٹ ابز کی اس تصویر کو برطانیہ میں سمندر کا سب سے بہترین منظر قرار دیا گیا ہے۔
ولیم پولارڈ کی اس تصویر نے شپ ریک میرینزز سوسائٹی کے مقابلے میں پہلی پوزیشن حاصل کی۔
اس کے علاوہ آوٹر ہیبرائڈز، سینٹ کلڈا، سڈمتھ اور نیوکوئے میں لی گئی تصاویر نے بھی دیگر چار زمروں میں انعامات جیتے۔
شپ ریک میرینزز سوسائٹی کے چیف ایگزیکیٹو کموڈور میلکم ولیمز کا کہنا ہے کہ اس مقابلے میں منصف کا کام آسان نہیں تھا۔
ان کے مطابق ہمیں برطانیہ بھر سے چار سو افراد نے 1300 سے زیادہ تصاویر بھیجیں۔
کموڈور ولیمز کے مطابق نہ صرف اس برس ہمیں ریکارڈ تصاویر موصول ہوئیں بلکہ ان کا معیار بہت اچھا تھا اس لیے فیصلہ کرنا بہت مشکل ثابت ہوا۔
مقابلے کے ایک اور جج نائیجل آتھرٹن کا کہنا تھا کہ ہمیں اس سال بہت شاندار تصاویر ملیں جو مسحور کن ہونے کے ساتھ ساتھ تکنیکی طور پر بھی کمال کی تھیں۔
انھوں نے کہا کہ میں کئی سال سے اس مقابلے کی منصفی کر کے لطف اندوز ہو رہا ہوں مگر یہ سال یقیناً سب سے مشکل تھا۔
End of سب سے زیادہ پڑھی جانے والی
نائیجل آتھرٹن نے کہا کہ یہ دیکھنا بہت شاندار تھا کہ کئی باصلاحیت فوٹوگرافر نے خیراتی اداروں کی مدد کے مقصد کے لیے اپنے فن پارے دیے۔
تمام تصاویر کے جملہ حقوق فوٹوگرافرز کے نام محفوظ ہیں۔
