جاپان میں برفانی تودہ گرنے سے آٹھ طلبا کی ہلاکت کا خدشہ
،تصویر کا ذریعہReuters
جاپان میں ایک سکی ریزورٹ کے برفانی تودے کی زد میں آنے سے خدشہ ہے کہ آٹھ طلبہ دب کر ہلاک ہو گئے ہیں۔
یہ برفانی تودہ پیر کی علی الصبح دارالحکومت ٹوکیو سے 120 کلو میٹر دور مقام ناسو کے قریب گرا۔
جاپان کے خبر رساں ادارے کیوڈو کے مطابق اس حادثے میں 30 افراد زخمی ہوئے جبکہ نکالے جانے والے آٹھ طلبہ میں زندگی کے آثار دکھائی نہیں دیے۔
بتایا گیا ہے کہ حادثے کے وقت مختلف سکولوں کے طلبہ اور اساتذہ سمیت کم سے کم 70 افراد وہاں موجود تھے۔
امدادی کارروائیاں جاری ہیں تاہم خراب موسم کے باعثت مشکلات پیش آ رہی ہیں۔
میڈیا رپورٹوں کے مطابق سکولوں کے بچے کوہ پیمائی کی تقریب میں شرکت کر رہے تھے۔
،تصویر کا ذریعہGetty Images
ناسو کے علاقے میں کئی سکی ریزورٹس ہیں اور اس علاقے میں گذشہ دو روز میں شدید برفباری ہوئی ہے اور برفانی تودے گرنے سے متعلق تنبیہات جاری کی گئی تھیں۔
End of سب سے زیادہ پڑھی جانے والی
ٹوکیو میں بی بی سی سی کے نامہ نگار کا کہنا ہےکہ جاپان میں ریسکیو حکام کسی بھی شخص کو مردہ قرار نہیں دیتے بلکہ انھیں ڈاکٹر کی طرف روانہ کیا جاتا ہے۔
خراب موسم کے باعث ریسکیو ہیلی کاپٹر جائے وقوعہ پر نہیں پہنچ پا رہے۔ اتوار کو ہی اس علاقے میں 30 سینٹی میٹر تازہ برف پڑی ہے۔
اب گرم موسم کے باعث مزید برفانی تودے گرنے کا خدشہ ہے۔
