ویسٹ انڈیز کی طرف سے کرس گیل اور ایس چیٹرگُون نے بیٹنگ کا آغاز کیا ہے

جیت کے لیے پاکستان کو 295 رنز بنانے تھے جو اس نے کامران اکمل کی دھواں دار بیٹنگ کی بدولت آخری اوور میں بنا لیے جبکہ ایک گیند باقی تھی۔

اکمل 24 رن بناکر اور فواد عالم 26 رنز پر ناٹ آؤٹ رہے۔

تفصیلی سکور کارڈ کے لیے یہاں کلک کریں

پہلا میچ، تصاویر میں

ویسٹ انڈیز نے ٹاس جیت کر پہلے بیٹنگ کرنے کا فیصلہ کیا۔ کرس گیل اور ایس چیٹرگُون نے بیٹنگ کا آغاز کیا تھا اور مقررہ پچاس اوورز کے اختتام پر ٹیم کا سکور نو وکٹوں کے نقصان کے دو سو چورانوے رنز تھا۔

ویسٹ انڈیز کی طرف سب سے کامیاب بیٹسمین کرس گیل رہے جنہوں نے پانچ چھکوں اور دس چوکوں کی مدد سے شاندار سینچری بنائی۔ انہوں نے 113 رنز بنائے۔ وہ عمر گل کی گیند پر شاہد آفریدی کے ہاتھوں کیچ ہوئے۔

ویسٹ انڈیز کے دوسرے کامیاب بلے باز سروان رہے جنہوں نے پچپن رنز بنائے۔

ویسٹ انڈیز کی طرف سے آؤٹ ہونے والے پہلے کھلاڑی ایس چیٹرگُون ہیں جو تینتیس رنز بنا کر شعیب ملک کی گیند پر خرم منظور کے ہاتھوں کیچ ہوئے۔

پاکستان کی طرف سے سہیل تنویر سب سے کامیاب بالر رہے انہوں نے دس اوورز میں بیالیس رنز دیکر تین کھلاڑیوں کو آؤٹ کیا۔ عمر گل نے دس اوورز میں چھیاسٹھ رنز دیگر کر تین وکٹیں لیں۔

پاکستان: سلمان بٹ، خرم منظور، یونس خان، مصباح الحق، شعیب ملک (کپتان)، شاہد آفریدی، کامران اکمل، فواد عالم، سہیل تنویر، عبدالرؤف اور عمر گل۔

ویسٹ انڈیز: کرس گیل (کپتان)، ایس چیٹرگُون، مارشل، ساروان، چندرپال، ناش، سی ایس بوغ، جیروم ٹیلر، ملر، ڈیرن پاؤل، بیکر۔