 | | | مائیکل فیلپس نے حالیہ اولمپکس میں سات عالمی اور ایک اولمپکس ریکارڈ بھی بنایا ہے |
امریکی تیراک مائیکل فیلپس نے نہ صرف ایک اولمپکس مقابلے میں سب سے زیادہ آٹھ طلائی تمغے جیت کر چھتیس سالہ پرانا ریکارڈ توڑا ہے بلکہ وہ اولمپکس مقابلوں میں کل چودہ تمغے جیت کر اولمپکس کی تاریخ کے کامیاب ترین بھی کھلاڑی بن گئے ہیں۔ تیئس سالہ مائیکل فیلپس نے جب اتوار کو چار ضرب سو میٹر ریلے میں سونے کا تمغہ حاصل کیا تو وہ یہ موجودہ اولمپک مقابلوں میں ان کا آٹھواں اور اب تک کا چودواں سونے کا تمغہ تھا۔ اس سے پہلے اولمپک کی تاریخ میں پاوؤ نُرمی، کارل لوئس، مارک سپٹز اور لاریسا لاٹی نینا نے نو نو تمغے جیت کر سب سے کامیاب ایتھلیٹ کا اعزاز حاصل کر رکھا تھا۔ مائیکل فیلپس نے بیجنگ اولمپکس میں آٹھ طلائی تمغے جیتنے کے علاوہ پانچ انفرادی عالمی اور ایک اولمپکس ریکارڈبھی بنایا اور اس کے علاوہ وہ دو عالمی ریکاڈ بنانے والے امریکی ٹیم کا حصہ بھی رہے اور یوں انہوں نے اپنے طلائی تمغے سات عالمی اور ایک اولمپک ریکارڈ بناتے ہوئے حاصل کیے۔ | 
فیلپس کا تاریخ ساز آٹھواں طلائی تمغہ 
