مناء رانا بی بی سی اردو ڈام کام، لاہور

	’قومی اسمبلی کو پی سی بی کے اہلکاروں کی تنخواہوں کی بابت غلط معلومات دینے پر معذرت خواہ ہیں‘

اجلاس میں بورڈ کی جانب سے چئرمین ڈاکٹر نسیم اشرف، چیف آپریٹنگ آفیسر شفقت نغمی اور ڈاریکٹر کرکٹ آپریشن ذاکر خان نے شرکت کی۔

سینیٹ پر الزام  سینٹ کی اس کمیٹی کے چند اراکین پی سی بی کے خفیہ دستاویز ذرائع ابلاغ کو فراہم کرتے ہیں۔ نسیم اشرف

انہوں نے کہا کہ وہ اس پر سینٹ کے چئرمین میاں محمد سومرو کو اپنا احتجاج ریکارڈ کروائیں گے اور ہو سکتا ہے کہ وہ عدالت سے بھی رجوع کریں۔انہوں نے کہا کہ پی سی بی ایک نجی ادارہ ہے جو حکومت سے بالکل فنڈ نہیں لیتا۔

’معلومات عوام کا حق‘  کرکٹ بورڈ شوق سے عدالت کا رخ کرے۔ وہ عوامی نمائندے ہیں اس لیے عوام سے کوئی بات خفیہ نہیں رکھی جائے گی اور انہیں ہر بات سے آگاہ کیا جائے گا۔ سینیٹر انور بیگ

سینیٹر انور بیگ نے کہا کہ پیپلز پارٹی ایسی قانون سازی کا ارادہ رکھتی ہے کہ کرکٹ، ہاکی، سکواش اور دیگر کھیلوں کو وزارت کھیل کے تحت لایا جائے۔

اجلاس میں پاکستان کرکٹ بورڈ کو سینٹ کی قائمہ کمیٹی برائے کھیل کی طرف سے ہدایت کی گئی کہ پاکستان کی ٹیم کی کاکردگی بہتر کرنے کے لیے تسلسل سے کام کیے جائیں۔

پاکستان کرکٹ بورڈ کی ایک پریس ریلیز کے مطابق پاکستان کرکٹ بورڈ نے اس اجلاس میں سینیٹ کی قائمہ کمیٹی برائے کھیل کو کرکٹ کے میدان بنانے، نئے کھلاڑیوں کی تلاش اور انہیں تربیت دینے اور کرکٹ سے متعلق اپنے دیگر کاموں سے مطلع کیا۔