قمر احمد لندن

	سوبرز نے انیس سو اڑسٹھ میں سوانزی کے شہر میں نیش کو ایک اوور میں چھ چھکے مارے

انہوں نے انگلینڈ کے بالر سٹورٹ بروڈ کو چھ چھکے لگا کر انگلینڈ کو ٹوئنٹی ٹوئنٹی مقابلوں سے باہر کر دیا۔ ان سے پہلے محدود اوور کے میچ میں اسی سال جنوبی افریقہ کے ہرشل گبز نے ورلڈ کپ کے میچ میں ہالینڈ کے اسپنر ڈان فان بنج کی یہی درگت بنائی تھی۔

ٹ

تقریبات کی رونق  نیش ایک معمولی بالر تھے لیکن سوبرز سے چھکے کھانے کے بعد ایک مشہور شخصیت بن گئے۔ کرکٹ کی تقریب اور عشایوں میں انہیں مدعو کیا جانے لگا اور ہر تقریب میں وہ گارفیلڈ سوبرز کے چھ چھکے مارنے کی کہانی سناتے۔

مالکم نیش کو انگلینڈ کے بیٹسمین فرینک ہیز نے ایک اوور کے پانچ کیندوں پر چھکے لگائے تھے اور اسی کاؤنٹی کے خلاف پاکستان کے کھلاڑی ماجد خاں نے انیس سو سڑسٹھ میں اسی مقام پر ایک اوور میں پانچ چھکے راجر ڈیویس کو لگائے تھے۔ وہ ایک سو سینتالیس رنز بنا کر ناٹ آؤٹ رہے۔

بھارت کے آلراؤنڈر روی شاستری نے یہ ریکارڈ رانجی ٹرافی میں ممبئی سے کھیلتے ہوئے بڑودا کے خلاف تلک راج کو چھ چھکے لگا کر برابر کر دیا۔

چھکے لگانے والے یہ تمام کھلاڑی مشہور تو ہوئے لیکن کوئی اتنا نہیں جتنا پہلی دفہ چھکے کھانے والے بالر مالکم نیش۔

وہ ایک معمولی بالر تھے لیکن سوبرز سے چھکے کھانے کے بعد ایک مشہور شخصیت بن گئے۔ کرکٹ کی تقریب اور عشایوں میں انہیں مدعو کیا جانے لگا اور ہر تقریب میں وہ گارفیلڈ سوبرز کے چھ چھکے مارنے کی کہانی سناتے۔

وہ امریکہ کے شہر سان فرانسسکو میں کرکٹ کے کوچ بن کر پہنچ گئے اور اب وہ کینساس میں ایک تعلیمی ادارے میں کرکٹ سکھاتے ہیں اور امریکہ کے مختلف شہروں میں اب بھی چھکوں کی کہانیاں سناتے رہتے ہیں۔

ٹیسٹ کرکٹ میں ابھی تک کسی نے ایک اوور میں چھ چھکے نہیں لگائے ہیں۔ ہاں لیکن ون ڈے کرکٹ میں سینتیس گیندوں پر سب سے تیز رفتار سنچری بنانے والے پاکستان کے شاہد آفریدی نے بھارت کے اسپنر ہربچن سنگھ کو دو ہزار پانچ میں لاہور کے ٹسٹ میں چار لگاتار چھکے ضرور لگائے اور ریکارڈ قائم کرتے کرتے رہ گئے۔