عبدالرشید شکور
بی بی سی اردو ڈاٹ کام، کراچی |  |
| | | بورڈ نے پہلے کہا تھا کہ صرف پاکستانی کوچ مقرر کیا تھا لیکن پھر یہ شرط ہٹا دی |
پاکستان کرکٹ بورڈ نے کرکٹ ٹیم کے نئے کوچ کے لیے اپنی ویب سائٹ پر اشتہار جاری کردیا ہے۔ یہ پہلا موقع ہے کہ کرکٹ بورڈ نے کوچ کی براہ راست تقرری کرنے کی بجائے پاکستان کرکٹ بورڈ نے کوچ تلاش کرنے کے لیے اشتہار کا سہارا لیا ہے۔ پاکستان کرکٹ بورڈ نے اشتہار میں لکھا ہے کہ یہ تقرری جون2007 سے دوسال کے لیے ہوگی۔ | | | پاکستان بورڈ کا اشتہار |
نئے کوچ کے لیے فرسٹ کلاس کرکٹ کھیلنے اور انگلینڈ کرکٹ بورڈ کے لیول تھری کوچنگ کا تجربہ لازمی قرار دیا گیا ہے۔ دیگر شرائط میں ان کا کرکٹ کے جدید تقاضوں سے ہم آہنگ ہونا ضروری ہے جس میں کمپیوٹر سے آگاہی اور کوچنگ کی جدید تیکنیک قابل ذکر ہیں۔اشتہار میں یہ بھی کہا گیا ہے کہ نیا کوچ گیم پلان تیار کرے گا اور سلیکشن کمیٹی اور ڈائریکٹر گیم ڈیولپمنٹ مدثر نذر کے ساتھ کام کرے گا، کوچنگ کے سیمینار اور ورکشاپ کی نگرانی کرےگا اور وڈیو ٹیکنالوجی کی مدد سے اپنی اور حریف ٹیموں کی کارکردگی کا جائزہ لےگا۔ اشتہار میں یہ بھی کہا گیا ہے کہ نیا کوچ پاکستان کرکٹ بورڈ کے تمام آپریشنل معاملات کی رازوں کی پاسداری کرے گا۔ | | | سابق کوچ باب وولمر |
پاکستان کرکٹ بورڈ کے سربراہ ڈاکٹر نسیم اشرف نے حال ہی میں اپنے ایک بیان کہا تھا کہ نیا کوچ پاکستانی ہوگا لیکن بعد میں انہوں نے یہ شرط ہٹا دی تھی۔ پاکستان کرکٹ بورڈ نے کوچ کے اشتہار کے بارے میں آئی سی سی کو بھی مطلع کردیا ہے تاہم ابھی تک یہ اشتہار پاکستانی اخبارات کی زینت نہیں بنا ہے۔ نیوزی لینڈ سے تعلق رکھنے والے جان رائٹ بھی کچھ عرصہ قبل پاکستانی ٹیم کی کوچنگ میں دلچسپی ظاہر کرچکے ہیں۔ گزشتہ سال چیمپئنز ٹرافی کے موقع پر جان رائٹ سے پاکستان کرکٹ بورڈ کے ایک اعلی عہدیدار نے رابطہ بھی کیا تھا۔ | 
وولمر، لاش حوالے کرنے کا فیصلہ
