وولمر کا پاکستانی ٹیم کے ساتھ اچھا وقت گزرا: اہلیہ

پولیس کے ایک ترجمان نے بتایا ہے کہ انہوں نے ایک دوسرے پتھالوجسٹ کی بھی رائے لینے کا فیصلہ کیا ہے۔

وولمر خوش تھے  وہ لڑکوں کے ساتھ خوش تھے اور میرا خیال ہے کہ کھلاڑیوں کے بھی ایسے ہی جذبات تھے۔ انہوں نے مِل کر محنت بھی کی اور مزہ بھی اور کرکٹ بورڈ نے بھی ان کا بہت خیال رکھا تھا وولمر کی اہلیہ

جمعرات کو پولیس کی طرف سے جاری ہونے والے ایک بیان میں کہا گیا ہے کہ ان کے پاس تاحال پتھالوجسٹ کی رپورٹ نہیں آئی جنہوں نے پوسٹ مارٹم کیا تھا۔ پولیس نے بتایا کہ پتھالوجسٹ پوسٹ مارٹم میں ہونے والے ٹیسٹوں کے نتائج کے منتظر ہیں۔

پولیس کے ترجمان نے کہا کہ ان وجوہات کی بنیاد پر وولمر کی موت کی وجہ نہیں بتا سکتی۔ انہوں نے بتایا کہ جمعرات کو مشاورت کے بعد جس میں جمیکا کے حکومت کے نمائندے بھی شریک تھے، فیصلہ کیا گیا کہ ایک اور پتھالوجسٹ سے بھی رائے لی جائے۔

آخری ای میل  شوہر سے آخری بار رابطہ انٹرنیٹ کے ذریعے ہوا جب وولمر نے آئرلینڈ کے میچ کے بعد ای میل بھیجی تھی۔ وولمر نے کہا تھا کہ وہ ان کی کارکردگی سے بہت مایوس ہوئے ہیں اور ان کی سمجھ میں نہیں آتا کہ یہ نتیجہ کیسے نکلا، وہ بہت افسردہ تھے وولمر کی اہلیہ

مسز وولمر نے بتایا کہ انہوں نے کبھی دباؤ میں ہونے کا ذکر نہیں کیا تاہم وہ انہیں ٹی وی پر دیکھ کر اندازہ لگا سکتی تھیں کہ وہ دباؤ میں ہیں۔

	باب وولمر کے لیے خاموشی

وولمر کی اہلیہ نے ٹی وی چینل پر اس بات کی بھی تصدیق کی کہ انہوں نے پاکستانی ٹیم کے کوچ کی حیثیت سے اچھا وقت گزارا اور ان کے پاکستان کرکٹ بورڈ کے ساتھ اچھے تعلقات تھے۔ ’ان کے ٹیم کے ساتھ بہت اچھے تعلقات تھے، وہ لڑکوں کے ساتھ خوش تھے اور میرا خیال ہے کہ کھلاڑیوں کے بھی ایسے ہی جذبات تھے۔ انہوں نے مِل کر محنت بھی کی اور مزہ بھی اور کرکٹ بورڈ نے بھی ان کا بہت خیال رکھا تھا‘۔